راكي تعبانة ومش قادرة طيبي ...ادخلي طبق جزائري
عنوان الموضوع : راكي تعبانة ومش قادرة طيبي ...ادخلي طبق جزائري
مقدم من طرف منتديات العندليب
بسم الله الرحمن الرحيم
السلام عليكم حبيباتي واش راكم أن شاء الله كامل لاباس والله كامل ليكم وحشة كبييييييييرة
أخواتي جاءتني فكرة ساعات الوحدة منا تكون مش قادرة تعبانة ولا مريضة ولا نهار كامل وهي مع الميناج ولا خدامة تروح تعبانة مذابيها طيب حاجة خفيفة تكون سهلة وسريعة وبنييينة أكيد
على هذي قلت نقترح عليكم هاذ الفكرة الي عندها وصفة سهلة وسريعة ومجربتها تحطهالنا ونستفيدو كامل وزيد نديرو اجر في المخلوقة الي مش قادرة كي نسهلو عليها المهمة هههههه:https://3andlib.xplainer.net/images/smilies/1.gif
وأنا اليوم نحطلكم وحدة في خاطركم
غراتان البسباس
3رؤوس بسباس
50غ فرماج رابي
صوص بيشامال
التحضير
بسم الله
تقصي البسباس على زوج وتغسليه مليح مليح وتحليه من بعد تملحيه وديريلو فلفل أكحل وتحطيه في الكسكاس يفور،في نفس الوقت اخدمي البشامال بلاصوص تاع الجاج في بلاصة الحليب.
كي يفور البسباس حطيه في البلاطو تاع الفور واسقيه بالبيشامال وحطيه يطيب في الفور على 180° كي يطيب نحيه وديري فوقو الفرماج عاوي رجعيه شوي برك قيس ما يذوب الفرماج يقدم ساخن وتقدري تزيدي شوي صوص بيشامال للي يحبوها شوي ملفوق.
شهية طيبة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا جزيلا
__________________________________________________ __________
>>>> الرد الثاني :
الف شكر اخنى
__________________________________________________ __________
>>>> الرد الثالث :
يعطيك الصحة احنا نديروه وهو طبق لديد
__________________________________________________ __________
>>>> الرد الرابع :
شكراااااااااااااااااااااااااااااااااا جزيلاااااااااااااااااااااااااااااااااااااااااااااا اااااااااااااااااا
__________________________________________________ __________
>>>> الرد الخامس :
شكررررررررررررررررررررررررررررا
