ستاك مشوي مع خضار يحمرو الوجه المطبخ الجزائري
عنوان الموضوع : ستاك مشوي مع خضار يحمرو الوجه المطبخ الجزائري
مقدم من طرف منتديات العندليب
السلام عليكم و رحمة الله و بركاته كيف انتن عساكن بخير اليوم جبتلكم طبق ستاك مشوي مع خضار سوتيه و الصوص علىالخاص بيا ههههه
https://3andlib.xplainer.net/images/...s/rolleyes.gif وهو طبق يقدم في صحن واحد الى جانب نوع من الشوربه او الحريره و سلطه بارده وراه يحمر الوجه امام الضيوف نتاع الصح المهم نوريلكم الصوره و اذا بغيتو الوصفه نحطهالكم ملاحظه هذه الصوره التقطت قبل ما تولي البطاطا ب 80 د للكيلو هههههه
https://3andlib.xplainer.net/images/...s/confused.gif https://up.arab-x.com/Mar12/4oo60709.jpg لا تبخلو علي بردودكم و الله من وراء القصد لعيونكم الطريقه اولا اولا الستاك واجد و اذا ماكانش واجد وجدوه في الدار جيبو هبره نتاع لحم اي نوع و قطعوه مورصوات ومن بعد اللي عندها اليد نتاع الترقاق راهي سهلت المهمه و اللي ما عندهاش تدير طريقتي ديري المورصو داخل كيس نتاع بلاستيك يعني البلاستيك يكون فوق و تحت المورصو نتاع اللحم و جيبي اليد نتاع مهراس العود الخاص بالثوم و اضربي فوق الكيس غير بشوي باش ما يتقطعش اللحم و لما يرقاق ديريه في كيس اخر تكوني دايره فيه ملح فلفل اسود كمون زعتر يابس اكليل يابس في زوج منقيين من العودان و مفتتين و عصير ليمون و خردل الديجون راه يزيد بنه روعه و معهم زيت الزيتون و يتخلطو مليح و مذابيك يقعدو شوي وقت قبل ما تبداي تشوي الان الشي في مقلى نتاع تيفال حطي المورصوات و نقصي النار ياسر و غطي ولما ينشف الخليط رشي شوي ماء فاترحتان يطيب اللحم و يتكرمل نحي اللحم وديري في نفس المقلى شوي مرق اذا كان عندك و الا ديري فرينه في نفس المقاى وزيديلها الحليب و خليها حتان تخثار و اذا بقالك خليط في العماره شلليها بالماء و حطيها في الصوص و من بعد نحطلكم طريقة الخضار
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يبارك
يعطيك الصحة
يشهي فووووووووووووووور
__________________________________________________ __________
>>>> الرد الثاني :
راااااااائع سخفتينا.اكيد نحبو الطريقة
__________________________________________________ __________
>>>> الرد الثالث :
خلاص ماخليتي فيا والوووووووو بهاد الطبق
__________________________________________________ __________
>>>> الرد الرابع :
يعطيك صحة نعم حطي طريقة باش جربوها
__________________________________________________ __________
