السلق على طريقتي مرحبا بيكم طريقة جزائرية
عنوان الموضوع : السلق على طريقتي مرحبا بيكم طريقة جزائرية
مقدم من طرف منتديات العندليب
https://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gifhttps://3andlib.xplainer.net/images/smilies/mh92.gif
السلام عليكن حبيباتي اليوم حبيت نوريلكم طريقة من الطرق اللي نستعملها على سبيل التغيير في شكل وذوق وطريقة طبخ السلق
تفضلو معايا https://3andlib.xplainer.net/images/smilies/dj_17.gifhttps://3andlib.xplainer.net/images/smilies/dj_17.gifhttps://3andlib.xplainer.net/images/smilies/dj_17.gifhttps://3andlib.xplainer.net/images/smilies/dj_17.gif
المقادير:
نحتاج ربطة سلق نغسلها ونقطعها رقيقة شويا
حبات بطاطا انا درت 5 حبات
4 حبات بيض و 4 فرماج
2 او 3 سنينات ثوم
2 ورقات رند
توابل انا ستعملت: الملح، فلفل اسود، كمون، كروية، زريعة البسباس، حبة الحلاوة
شويا زيت و اصبع زبدة
الطريقة:
نحط سيقان السلق المقطعة في المقلات ونحط عليها ملعقة زيت وجميع التوابل ونغطيها ونخليها حوالي 10 دقائق او اقل المهم حتى تطيب من بعد نحط فوقها الورقات تاع السلق تاني المقطعين و سنينات الثوم قطعي كل واحد على 2 ووريقات الرند ونحي الغطا وخليها تطيب وحركيها ساعة على ساعة هكذا باش ميطلقش الماء تاعو
https://im33.gulfup.com/8jMw1.jpg
من جهة اخرى غلي البطاطا بقورها في ماء وملح ثم قشريها ورحيها فقط بالفرشيطة وزيديلها اصبع زبدة و 4 حبات فرماج مثلثات
https://im35.gulfup.com/ZVgbh.jpg
ثم زيديلها السلق وخلطيها جيدا
https://im31.gulfup.com/baTVJ.jpg
https://im32.gulfup.com/b5LJz.jpg
من جهة ثانية ضربي البيض مع التوابل بالفرشيطة
https://im32.gulfup.com/EE5n3.jpg
وفرغيه فوق الخليط تاع البطاطا والسلق راحة تتحصلي على عجينة شبه جارية نفرغها في قالب الفرن المدهون بالزبدة والمروش بالشابلير والى الفرن حتى توفيها خذا تحميرة خفيفة انا ما حمارليش كان لحقق بابا ولازمو ياكل بلا مايستنا طبعا هههههه ولا يديلنا سووووووووق
https://im34.gulfup.com/8leZi.jpg
استناي حتى يبرد شويا من بعد اقلبيه وزينيه كيما حبيتي واللي يحب الحار ممكن تديري الهريسة انا استعملت الكاتشب والهريسة
https://im35.gulfup.com/TNKGg.jpg
وتاكلوه بالصحة والهنا
https://im35.gulfup.com/jPqIm.jpg
في انتضار الرد منكم حتى وان لم يعجبكن قولوهالي خير ياخي هههههههههه
https://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gif
في امان الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة هاااااااااااااايل
__________________________________________________ __________
>>>> الرد الثاني :
يعطيك الصحة يهبل
__________________________________________________ __________
>>>> الرد الثالث :
شكرا حبيبتي ربي يحفضك
__________________________________________________ __________
>>>> الرد الرابع :
10/10 يعطيك الصحة
__________________________________________________ __________
>>>> الرد الخامس :
يبان هااااااااايل بارك الله فيك
