بريوش أمي الغالية طبخ جزائري
عنوان الموضوع : بريوش أمي الغالية طبخ جزائري
مقدم من طرف منتديات العندليب
بسم الله الرحمان الرحيم
جبتلكم اليوم بريوش علمتهولي أمي الغالية الله يحفظها كي كنت عندي 15 سنة المهم بسم الله نبدأ
1 كيلو فرينة
125 زبدة في حرارة الغرفة يعني طرية
1ملعقة أكل ملح
غرفية سكر ما يقارب 2 كيسان متوسطين تاع القازوز
1 لتر غير ربع حليب سخون
2 بيضات
1 كاس تاي ماء زهر
بشر ليمونة (zest d'un citron )
زبيب منفخ -شوكولة-للتزين
صفار بيضة للدهن
3مغارف أكل خميرة الخبز
جنجلانية أو سكر خشين
التحضير
في قصعة ديري الفرينة مع الملح وبسيها بالزبدة الطرية مليح مليح زيدي السكر ثم البيض ثم بشر الليمون ثمالخميرة ثم ماء الزهر وتلمي بالحليب السخون .تعجني مليح المهم تدخلي الهواء مليح ومبعد تزيدي الحليب وتعجني أنا نزيد ندير ماء الزهر في الحليب السخون لأنن نحبو بزاف ومبعد تخليه يخمر مليح حتى تشوفي حجم العجين تضاعف تسخني الفرن نتاعك تدهني الصينيات بالزيت .
تدهني يديك بشوية زيت وتبداي تشكلي الأشكال اللي تحبي أنا ندير كريات ونعمرهم إما بالزبيب المنفخ أو الشوكولة واخرين نخليهمnature
تخليهم يطلعو في الصينية حولي 5 دقائق وتدهني بالبيض وتذري من الفوق إما بالجنجلانية أو بالسكر الخشين وتطيبيهم في درجة حرارة 180°باش يطيبو من الداخل
ملاحظة :ماتستعمليش كل الحليب مرة وحدة على خاطر كون تكون الفرينة ماتشربش يجيك جاري وما يطلعش مليح أمالة وحدة وحدة
حبيباتي عاونوني في إظهار الصور من فضلكن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوورة حبيبتي بصحتكم
__________________________________________________ __________
