عندك الفلفل الحار بزايد وخايفة يخسر ادخلي المطبخ الجزائري

عنوان الموضوع : عندك الفلفل الحار بزايد وخايفة يخسر ادخلي المطبخ الجزائري
مقدم من طرف منتديات العندليب

سلام حنوناتي متقوليش مكانش لي تفسد ليها الخضرة في البراد خاصة الفلفل على خاطر الراجل يموتوا على شريانوا و ماشوا غير يشريو شوي من يقضيو يشريو الفلفل الحار وانا تاني كيفكم و مناش عيلة و مناش وكلين الفلفل الحار ياسر نطيبوا في البرمة يبقى كيما راه مال قلت نديروا فجوخ و الفجزخ هو فلفل حار مرقد و اليكم الطريقة

تجيبي الفلفل الحار لي عندك تنقيه و اكيد ماشي بيديك تلبسي ليقوا باه متتحرقش يديك و تتحطيه في الربوا يترحي و تهوا في الربوا ضفيلوا====شوفي في كيلوا تع فلفل حار حطي 2 قرون فلفل حلو و 1 حبة طماطم و 2 مغارف كبار ملح و تخلطيهم و تحطيهم في كسكاس كيما في الصورة شوفوا و نرجعلكم
https://www.up.djelfa.info/uploads/136837634677911.jpg

حطي حاجة تحت الكسكاس باه يستقطر فيها الماء لي في الفلفل و هذا من اسرار نجاحواhttps://www.cheesebuerger.de/images/more/bigs/c043.gif
و خليه يبات ليلة كاملة يستقطر مليحو في الصبا ح تلقايه بالشكل هذا
https://www.up.djelfa.info/uploads/136837666998121.jpg

شوفوا واش خرج منوا ماء
https://www.up.djelfa.info/uploads/136837677468771.jpg

افرمي راس كامل تع ثوم ضفيه للفلفل و 3 مغارف زيت زيتون و 2 مغارف خل و حطيه في علبة و خليه يرقد حنا في الشتا نخليوه البرة حتى يولي لونوا اصفر وندخلوه للثلاجة و ناكلوا منوا لكن درك راهوا الحال سخن دريه و حطيه طول في الثلاجة باه ميقراصش و تمتعي باطيب فجوخ يجي بنين و المقلي معاه يا سلام مممممممم
https://www.up.djelfa.info/uploads/13683770397281.jpg

الماكلة معاه روعة ابن من المرقد انا دايما نديوا مخطانيش خاصة في رمضان ممممممممhttps://www.cheesebuerger.de/images/more/bigs/e106.gif


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

yaatek essaha ala elwasfa

__________________________________________________ __________

>>>> الرد الثاني :

bonne idee je vais essayer

__________________________________________________ __________

>>>> الرد الثالث :

امممممممممممممممممم يشهي ماشاء الله

__________________________________________________ __________

>>>> الرد الرابع :

المشاركة الأصلية كتبت بواسطة مونية ك https://3andlib.xplainer.net/images/...s/viewpost.gif امممممممممممممممممم يشهي ماشاء الله

ميغلاش عليك يا جميل كلوا ليك

__________________________________________________ __________

>>>> الرد الخامس :

ممممممممممممممممم دائما عندنا مشكل الفلفل بالزايد شكرا لك اختي فكرة جديدة بارك الله فيك