مساعدة بخصوص طاجين الطين ؟ طريقة جزائرية
عنوان الموضوع : مساعدة بخصوص طاجين الطين ؟ طريقة جزائرية
مقدم من طرف منتديات العندليب
السلام عليكم جميعا.
أنا متعودة ندير المطلوع في دارنا في طاجين الحديد عادي .ومنذ زواجي وأنا ماعندي الطابونة ماعندي الطاجين. والان قررت نولي للمطلوع .جابولي واحد طاجين تاع الطين عجبني لأنو صغير نقدر نستعملو فوق الكويزينيار.بصاح لأول مرة نستعملو ماعرفتش هل نستعملو عادي ؟ من فضلكن الي عندها طاجين الطين تجاوبني........شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مننصحكش درجةالحرارة تاع الطاجين مرتفعة تخسرلك الكوزينيار و كانها تتحرق ماجربتهاش بصح مرت عمي دارتها والنتيجة كارثية ولكن هي استعملت طاجين كبير اصبري حتى تجي الطابونة
__________________________________________________ __________
>>>> الرد الثاني :
انا نطيب فوق الكوشة بالطاجين نتاع الحديد الكسرة تطيب عادية بصح الكوشة تتحرق هي تاع المنيوم وتحرقت ماحبتش ترجع نقية كما كانت مهما نظفتها
__________________________________________________ __________
>>>> الرد الثالث :
salam à toutes ,
j'ai le même problème , et mon tajine en terre cuite a noircie dès la première utilisation , et en plus la pâte ne cuit pas au milieu , (au centre du tajine) ça reste blanc
Que faire ?
est ce qu'il faut diminuer au augmenter le feu ?
__________________________________________________ __________
>>>> الرد الرابع :
اختي الطاجين لازم له طابونة اصبري شوية ما تخسريش الكويزينيار نتاعك
واول مرة ادهني الطاجين بشويةزيت وسخنيه على نار خفيفة ما تقويهاش ومن بعد استعمليه عادي
ومرة على مرة قبل ما تحطيه فوق الطابونة شلليه بالماء باه ما يتكسرش بسرعة
__________________________________________________ __________
>>>> الرد الخامس :
شكرا أختي .ربي يمنعنا من الكوارث.أجمعين
