خبيزات محشيين بالجاج *les naans* طبخ جزائري
عنوان الموضوع : خبيزات محشيين بالجاج *les naans* طبخ جزائري
مقدم من طرف منتديات العندليب
https://im21.gulfup.com/3bvn2.jpg
السلام عليكن اخواتي ان شاء الله لاباس
درنا البارح انا وامي هاذ الخبيزات وقلت لازم نطلعهم لانهم رووووووووووعة وبنان بزااف وخفاف وتغيير هم عبارة عن عجينة محشية بالجاج لكن لي يزيدهم بنة اننا نطيبوهم في الطاجين ماشي في الفور هوما المفروض يطيبو في المقلة او حاجة ثقيلة فوق النار لكن حنا نطيبوهم في طاجين التريسيتي المهم يتغطاو كي يعودو يطيبو
العجينة تجي رقيقة وتبان كيما عجينة الكسرة لكن راهي خفيييييييييييفة بزاف ومليحة واذا حبيتوهم مفشفشين ومنفوخين طيبوهم في الفور عادي يجي شكلهم مختلف
العجينة فيها 350 غ فرينة + م ك خميرة المطلوع +علبة ياوورت طبيعي +2 م ك زيت + نص م ص خميرة القاطو + 1 مص سكر + ملح ماء دافي
ذوبي الخميرة والسكر في شوي ماء وخليهم يطلعو وخلطي مبعد باقي المقادير عادي ولمي العجينة بالماء اعجنيها شوي و ديريها 4 كريات وخليها ترتاح
https://im29.gulfup.com/8qsb1.jpg
الحشو .. نقصو طرف جاج مكعبات ونقليهم في الزبدة مع شوي ملح
ثم نرحيه في الميكسور ونخلطلو دبشة ومعدنوس ملح فلفل وكمون ونص علبة ياوورت طبيعي
https://im26.gulfup.com/WvXA3.jpg
بعد ما ترتاح العجينة ساعة ونص نقسم كل كرية على 2 ونحللها ==راهي طرية وما تتحللش بسهولة = نديرو سرفيطة او نررشو شوي فرينة ثم ندهنوها بطبقة مليحة من الفرماج من الاحسن شاف ذوق زيتون
https://im26.gulfup.com/r2RL2.jpg
ثم نقفلها ونطيبها في المقلة ونغطيها اثناء الطياب
رايحين يتنفخو كي يعودو يطيبو ثم يهبطو وحدهم
https://im26.gulfup.com/VIKL4.jpg
وتقدم ساااااخنة مع اي حاجة تحبوو
https://im26.gulfup.com/NLi71.jpg
ان شاء الله تعجبكم وتجربوها راهي رووووووووعة وخفيفة رغم ان العجينة رقيقة وادا حبيتو طيبوها في الفور
ملاحظة ..بعد ما تطيب تدهن بالزبدة
.................................................و بصحتكم..................سلاااااااااااااااااااام... .......................
https://im21.gulfup.com/Wkeu1.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممممممممروعة منك سماح..انا اول وحدة ترد ومتشرفة
يعطيك الف الف صحة ...راني ديت زوج هههه
__________________________________________________ __________
>>>> الرد الثاني :
روعة نجربهم ونردلك لخبر
واللف شكر لامك ربي اخليهلك
وتتعلمي منها بزاف كيفيات
__________________________________________________ __________
>>>> الرد الثالث :
mmmmm bayn 3lihoum bnan ... ya3tik saha
__________________________________________________ __________
>>>> الرد الرابع :
jaw raw3A merciiiiiiiii
__________________________________________________ __________
>>>> الرد الخامس :
يعطيك الف الف صحة
