الحريرة الرمضاانية من مطبخي
عنوان الموضوع : الحريرة الرمضاانية من مطبخي
مقدم من طرف منتديات العندليب
رحبا حبيت نمدلكم طريقتي في تحضير الحريرة تبعوني انا هادي طريقتي والحريرة تخرج هايلة نا نستعملها غير في رمضان و وفت الضياف اما سائر الاوقات الاخرى نعتمد طريقة اخرى
نحضر المكونات بصل وطماطم ممقشرة ولفت وجزر وكابويا وثوم وقصبر السر فيه لازم يكون ربطة مليحة وجديدة ولحم انا استعمل الخروف والدجاج
https://www.alm5zn.com/upfiles/XbX25858.jpg
والتوابل طبعا وهي في الاول حرور كركم زعفران قرفة راس الحانوت فلفل احمر مش حار بابريكا ملح وسمن فاما زعفران
https://www.alm5zn.com/upfiles/vgK27631.jpg
https://www.alm5zn.com/upfiles/z3M25858.jpg
طريقة التحضير متعبة لكن النتيجة روعة نرحي البصل على شكل عصير في هاد الفرامة الصغيرة
https://www.alm5zn.com/upfiles/COp26279.jpg
وكدالك الطماطم مع اضافة القصبر وفصوص الثوم باش تتنكه
https://www.alm5zn.com/upfiles/wIl26279.jpg
وهدا شكلهم بعد الفرم الناعم
https://www.alm5zn.com/upfiles/9Hq26578.jpg
ونحط السمن في قدر ونقلي اللحم والبصل مع رشة فلفل اسود ونضيف الطماطم والخضر وباقي التوابل ونقلي مليح ونضيف ربطة القصبر محكومة بخيط غدائي
https://www.alm5zn.com/upfiles/5L327070.jpg
https://www.alm5zn.com/upfiles/rrN26578.jpg
ونستنى تغلي القدرة ونقص النار كامل ونغطي ونظبط ساعة الكوشة على ساعة وكي تكمل نزيد نص اخر
https://www.alm5zn.com/upfiles/K7I26578.jpg
نزيد التشيشة تاع الزرع المتوسطة ونزيد نص ساعة اخرى
https://www.alm5zn.com/upfiles/CLr27070.jpg
ومن بعد ننزع عود القرفة وربطة القصبر واللحم والخضر ماعدا حبة جزر نخلوها ونطحنو بالميكسور
https://www.alm5zn.com/upfiles/Muk27070.jpg
ونضيفو اللمسة الاخيرة نحضر كروية وكمون وقصبر غير الزهر الابيض وقرفة مرحية ثوم زنجبيل فري وحرور ابيض و ماجي قو غير شوية وانا نستعمل صلصة الطماطم الجاهزة جومبو وكي ماكانتش عندي ستعملت تاع العلبة المركزة حليتها في ماء سخون وحطيت كل شي وفرمته وزدته للقدر وخليه يغلي خمس دقايق وضفي رشة من الحشايش تاع الحريرة وغسلي الجوا حار ووربطة قصبر و غليهم دقيقة وطفي خلاص جهزتي حريرة ممتازة
https://www.alm5zn.com/upfiles/sYW27632.jpg
https://www.alm5zn.com/upfiles/LcQ27632.jpg
وهنا كي تحطيها زينيها بالحبق وفتتي فيها اللحم اللي طاب فيها وشرئح ليمون بالطبع وتقدري تقدمي معاها فلفل حار مشوي للي يحبو الحار
https://www.alm5zn.com/upfiles/rHR28104.jpg
https://www.alm5zn.com/upfiles/wdW28104.jpg
وقدميها مع خبز الدار او مقبلة
ملاحظة تقدري تديري الحمص مشمخ ومنقي من الالقشور ومقسوم على اثنين في صاشي واحزمي واثقبي وخليه يطيب ومن بعد كي تطحني وتكملي فرغيه فيها لكن انا نحبها بلا حمص
نتمنى تجربوها والله كي تطحنو الطماطم والبصل على شكل عصير تخرج النكهة مختلفة عن اللي تستعملوهم مسكرفجين او حبات كاملة عن تجربة لدا انا اعتمدها كي يكون عندي ضياف لانها ممتازة ولا اتم لطول تحضيرها المهم النتيجة روعة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الف صحة حبيبتي
__________________________________________________ __________
>>>> الرد الثاني :
روعة زهور طريقتك هايلة الحق حنا نديرو شربة الفريك ساهلة و فيسع طيب في الكوكوط طريقتك طويلة نوعا ما بصح وعلاه ماتستعمليش الكوكوطة رايحة تنقص عليك الوقت و السخانة خاصة مع رمضان في الصيف
__________________________________________________ __________
>>>> الرد الثالث :
يعطيك الصحة مليحة بزاف
__________________________________________________ __________
>>>> الرد الرابع :
المشاركة الأصلية كتبت بواسطة oum anas 69 https://3andlib.xplainer.net/images/...s/viewpost.gif
روعة زهور طريقتك هايلة الحق حنا نديرو شربة الفريك ساهلة و فيسع طيب في الكوكوط طريقتك طويلة نوعا ما بصح وعلاه ماتستعمليش الكوكوطة رايحة تنقص عليك الوقت و السخانة خاصة مع رمضان في الصيف |
طويلة لكن هدا هو القصد لازم تطيب على نار مهيلة بلا كوكوط ولوكان تطيب في قدرة تاع طين راح يكون المداق الد بكثير
__________________________________________________ __________
>>>> الرد الخامس :
بارك الله فيك راهي تشهي بصحتكم
