اعطوني طريقة الحريرة التلمسانية من مطبخي
عنوان الموضوع : اعطوني طريقة الحريرة التلمسانية من مطبخي
مقدم من طرف منتديات العندليب
انا من العاصمة احنا نديرو شربة فريك بصح حبيت نبدل ياليت وحدة من الغرب توريلي طريقة الحريرة لانني ذقتها كيما رحت لمغنية وعجبتني بزاف وكيفاش ندير العقدة نتاع الفرينة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نعطيك طريقتي انا حبيبتي
تديري الخضار( جزر + بصل + طماطم + حبة لفت ...) واللحم يطيبو وكاين اللي يزيد القليل من العدس و الارز والفول اليابس و الحمص ثم بعد ما تطحنيهم تضيفين القليل من الماء للبيون وتخليه يغلي ثم تكوني وجدتي العقدة نتاع الفرينة + التشيشة في الماء مسبقا باش التشيشة تطرى وتضيفي هذا الخليط للبيون بصح عينك ميزانك ديري على حساب ما تتقال شوي لانك لو كترتي تتقالك بزاف ثم تضيفي الطماطم المصبرة محلولة في الماء باش تحمري الحريرة ثم كي تحسي التشيشة طابت تكوني وجدتي القصبر المقطع صغيرا مع راس الحانوت و نضيفهم الى الحريرة يغليو شوي ثم نطفي
و باش تجي الحريرة اكثر بنة هناك بعض الاشياء الاضافية هي انه في الغلية التالية تضيفي القليل من الكرافس و قرن نتاع جوي حارة ما يكونش فيه اي ثقب باش غي يطلق البنة وما يحرحرلكش الحريرة بالاضافة الى قليل من الكروية + سكين جبير محلولين في شوي ماء هذا في الاخير قبل ما تطفي
على العموم اختي هذه طريقتي اتمنى ان اكون قد افدتك
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
