بيتزا تركية طريقة جزائرية
عنوان الموضوع : بيتزا تركية طريقة جزائرية
مقدم من طرف منتديات العندليب
البيتزا التركية
المقادير
- 400غ فارينة
- ماء
- ملح
- ملعقة كبيرة زيت زيتون
- خميرة الخبز
- ملعقة سكر
- 3مغارف ياورت ناتوغ طبيعي
التزيين
- 250غ لحم مفروم
- حبة طماطم مقطعة
- ثوم مرحي
- فلفل اسود
- كسبر اومعدنوس اخضر
- ملعقة صغيرة فلفل احمر حار
- ملعقة كبيرة طماطم مصبرة
- حبتين بصل متوسطة مقطعين رقاق
- ملح
الطريقة
في مقلاة ديري ملعقتين زيت وحمسي البصل والثوم ومبعد زيدي اللحم المرحي والتوابل والملح والطماطم بنوعيها خلطي وخليها طيب شوية ومبعد ضعيها جانبا)في الوصفة الاصلية يديروهم مباشرة بدون مايحمسوهم لاخطراكش الفور اللي طيب فيه سخون بزاف)
العجينة
ذوبي الخميرة في شوية ماء وسكر ومبعد حطي الفرينة وخلطيها مع الملح وزيدلهم الياورت الطبيعي والخميرة وخلطي ومبعد زيدي الماء واعجني مليح6دقائق حتى تتحصلي على عجينة مطاطية.
خليها تخمر لمدة ساعة وغطيها بكيس بلاستيكي ثم فوطة
سخني الفور علة220 درجة
رشي في المول نتاع البيتزا شوية فارينة ومبعد ديقازي العجينة وقسميها لستة كريات متساوية وخليها ترتاح 10دقائق وغطيها طبعا
افتحي كل كرية بالرولو شوية رقيقة وزينيها بالحشوة اللي خدمناها ودخليها للفرن مدة 15 دقيقة خرجيها وزينيها بالمعدنوس
https://3andlib.xplainer.net/images/smilies/mad.gif هبلني وليدي ماخلينش نكتب حاب يرضعhttps://3andlib.xplainer.net/images/smilies/mad.gif
https://im34.gulfup.com/j0Ivi.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شُكْرًآآآ جَزِيــــلآً
بَآرَكَــ الله فـــــــــــــــــِيكــِ
__________________________________________________ __________
>>>> الرد الثاني :
26 مشاهدة ولارد معليش نروح نخرج من المنتدى احسن
__________________________________________________ __________
>>>> الرد الثالث :
وزيد ترجمت الوصفة من التركية للانجليزية ومبعد للعربية
__________________________________________________ __________
