اجريو ليا نسحقكم !!!!!!!!! طبق جزائري
عنوان الموضوع : اجريو ليا نسحقكم !!!!!!!!! طبق جزائري
مقدم من طرف منتديات العندليب
راني حابة نعرف طريقة تحضير طاجين حلو بدون لحم أو جاج رآهم هبلوني في الدار عليه وأنا صراحة منعرفلوش تعيشوا لي تعرف تكتبلي الوصفة وربي يعطيكم ماتتمناو
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ديري زوج كيسان ماء +كاس ونص سكر+عود قرفة+شوية زعفران+ملعقة صغيرة سمن خليهم يغلاو مليح من جهة اخرى انقعي العينة والمشماش والاناناس في ماء سخون وكي يبدا يعقد السيرو زيديلو الفواكه المنقعوة مع شوية زبيب وكي يبداو يتنفخوا زيدي شوية ماء الزهر وخليه على نار هادئة
__________________________________________________ __________
>>>> الرد الثاني :
ربي يعطيك ما تتمناي ختي fatalim وان شاء الله يفرحك
__________________________________________________ __________
>>>> الرد الثالث :
وجدي البرقوق والمشماش تاعك وفورتيهم غاية حتى يطراو ويدخلهم الطياب مليح تضيفيلهم 4 م ك سكر وخليهم بجنب
من بعد ديري طرف دهان نليه يذوب ونزيدلو حبة صغييييييييييييييرة بصلة او نصف حبة متوسطة وعود قرفة شويا زعفران كي يتقلو نضيف الماء على حسب شعال راكي حابة تحضري
تخلي الماء يغلي حتى ينقص لو تو تاعو
كي ينفص لو تو تاعو ضيفي حبات المشماش لانو يشد في طيابو على البرقوق ولا العين وبعد مدة ربع ساعة ضيفي العين وخليه يطيب مشي بزاف لانو سبق وفورتيه يعني تقريبا يكون طايب بعدها ضيفيلو كاس ونصف كبير سكر فما فوق يرجع الى الكمية المرغوب تحضيرها ... بعدها خليها على النار كي تحسيه بدا يثقال وياخذ لون بني فاتح
حبسي عليه وبالصحة والعافية
__________________________________________________ __________
>>>> الرد الرابع :
"]حطي الماء في مرميطة حوالي نصف لتر عود قرفة شوية زبدة , كاس سكر ماتعمروش خليه يغلي شوية , ثم ضعي حبات
العين اللي رطبتيهم من قبل في ماء دافئ, و المشيمشة اللي رطبتيها في الماء الدافئ من قبل كدلك, مع شوية ماء الزهر
خليهم يطيبو حتي يلبط اي الماء يصبح لزج يثقال شوية اطفي عليه ,
وقديميه comme dessert
و شهيةطيبة
__________________________________________________ __________
>>>> الرد الخامس :
سعيدة أن الأخوات أفادوكي
بالتوفيق ..
