عنوان الموضوع : معجنات ايطالية بالتفصيل و بالصور طبخ جزائري
مقدم من طرف منتديات العندليب
اهلا حبيباتي توحشتكم بزاااااااااااف بزاااااااااااف اليوم جبتلكم وصفة للمعجنات الايطالية
بدون اطالة نعطيلكم مقادير العجينة اللي راح ندير بيها نوعين للمعجنات: رطل فرينة , ملح, 2 ملعقة زيت زيتون
5او 6 بيض
حطي الفرينة و الملح في صحن مع ملعقتي الزيت في الوسط ثم كسري البيض بالواحدة و انت تعجني حتى تتلم العجينة
ما لازمش تكون طرية و انما مثل الرخسيس و البيض حسب الطراوة نتاعها عينك ميزانك ثم خليها ترتاح ربع ساعة
[IMG]https://im40.gulfup.com/9iekA.jpg[/IMG]
المعجنة الاولى:
قسمي العجينة لاثنان خذي الاولى و افتحيها على طاولة و انت دائما ترشي بالفرينة باش ما تلسقش لانها بالبيض سمك
2 مليمتر او استعملي الماشينة نتاع المعجنات اسهل ثم ضعي trace فقط بكاس الاتاي و حطي وسط كل دائرة شوية
فروماج و امسحي اطراف كل دائرة بالماء باش تلصق
[IMG]https://im40.gulfup.com/q3JkE.jpg[/IMG]
بعد ذلك زيدي حلي العجينة الثانية بنفس الطريقة و نفس السمك ثم ضعيها فوق العجينة الاولى و حاولي تخرجي الهواء من الدوائر و انت تضغطي عليها
[IMG]https://im40.gulfup.com/p2CiH.jpg[/IMG]
اخيرا قصي الدوائر بقطاعة انا استعملت كاس تاي يعني الحجم انت اللي تتحكمي فيه
[IMG]https://im40.gulfup.com/wvTI6.jpg[/IMG]
مباشرة حطي المعجنات في ماء مملح به زيت يغلي مدة 10 دقائق ثم صفيها في كسكاس
[IMG]https://im40.gulfup.com/Ngzll.jpg[/IMG]
المعجنة الثانية:
نفس العجينة السابقة لكن المرة هاذي رايحة نديرهالكم محشية
اذن خذي شوية لحم مرحي حوالي 4 ملاعق فقط و طيبيهم مع شوية بصل ملح و فلفل اسود و خليه يبرد
من جهة اخرى حلي العجينة نتاعك بنفس الطريقة الاولى باش ما تملوش من التكرار و قصي دوائر بالكاس ثم حطي شوية لحم مرحي وسطها شوية يعني ترفدي بزوج صباع فقط
[IMG]https://im40.gulfup.com/sRVrZ.jpg[/IMG]
ثم امسحي جوانب كل دائرة بالماء و لصقيها
[IMG]https://im40.gulfup.com/wAMuv.jpg[/IMG]
ثم لصقي طرفي القطعة للحصول على هذا الشكل
[IMG]https://im40.gulfup.com/i0XWV.jpg[/IMG]
[IMG]https://im40.gulfup.com/GE6ke.jpg[/IMG]
بعدها غليها بنفس الطريقة الاولى
المعجنة الثالثة:
غلي 2 حبات بطاطا ثم ارحيهم و حطي عليهم ملح , فلفل اسود, نصف كاس فرينة , 2 صفار بيض و اعجنيها
[IMG]https://im38.gulfup.com/7a9G1.jpg[/IMG]
ثم خذي جزء و مرغديه في الفرينة ثم شكليه حربوشطويل و قصيه قطع صغيرة
[IMG]https://im38.gulfup.com/Hk0rD.jpg[/IMG]
[IMG]https://im38.gulfup.com/HWQ1Q.jpg[/IMG]
ثم خذي كل قطعة صغيرة و اضغطي بيها على الفورشات بالشوي
[IMG]https://im38.gulfup.com/DctrM.jpg[/IMG]
[IMG]https://im38.gulfup.com/0PV9k.jpg[/IMG]
و مباشرة غليها في ماء يغلي مدة 3 او 4 دقائق فقط رايحة ترتفع او تطفو راه يعني انها طابت
[IMG]https://im38.gulfup.com/EBVV1.jpg[/IMG]
بالنسبة للصلصة راني قليت قطع دجاج صغيرة مع بصل مقطع مكعبات ثم نتبلها بملح, فلفل اسود, راس حانوت
ما ننساش الزيت ثم نزيد عليها طماطم مصبرة و طماطم مقصوصة مكعبات و وريقة رند و كاس ماء و نخليها طيب
بعد ذلك نحطلها شوية حبق ناشف و نخلطها مع المعجنة نتاعي
المعجنة الاولى
[IMG]https://im38.gulfup.com/PP8p3.jpg[/IMG]
المعجنة الثانية
[IMG]https://im38.gulfup.com/HwiQV.jpg[/IMG]
المعجنة الثالثة
[IMG]https://im38.gulfup.com/u5jdi.jpg[/IMG]
اخيرا انتهيت اوووووووووف تعبت لكن ماشي خسارة اتمنى اللي تحب المعجنات تجربهم و ما تنساوش .........دعوة خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة الوصفة الثالثة اسمها نيوكي وجربتها وجي بنيييييييييييييييينة بزاف
__________________________________________________ __________
>>>> الرد الثاني :
شكرااااا لكي لفحلة
__________________________________________________ __________
>>>> الرد الثالث :
هايلين اختى شكرا متعوده ندير تتاع البطاطا بنتها رائعه يعطيك الصحه
__________________________________________________ __________
>>>> الرد الرابع :
السلام عليكم
ماشاء الله عليك، بارك الله فيك
__________________________________________________ __________
>>>> الرد الخامس :
رووووعة حنونة شكرا ويسلم يديك
