لا للتبذير و مرحا للاطباق اللذيذة المطبخ الجزائري
عنوان الموضوع : لا للتبذير و مرحا للاطباق اللذيذة المطبخ الجزائري
مقدم من طرف منتديات العندليب
https://up.djelfa.info/uploads/13466273241.gif
اتمني حبيباتي من خلال هذا الركن ان تفيدنا كل واحدة منكن بتجاربها في اصلاح الاطباق التي لم تقبل عليها العائلة في الافطار ففكرت ودبرت واخترعت منها طبقا جديدا لذيذا وهكذا نحارب التبذير ونستفيد من افكار بعضنا البعض وبالتالي نتقاسم الحسنات ان شاء الله
سأبدأ أنا
في رمضان الماضي احضر زوجي سمكا من النوع المقطع على شكل دوائر و قمت بتتبيله كالعادة و قليته وهو بنين الا اننا لم نتناول منه الا القليل على غير العادة على جال السخانة و شهيتنا تنقص في رمضان
في اليوم الموالي حرت واش ندير بيه ما نقدرش نعاود نحطه و ما نقدرش نرميه حرام بقيت نفكر حتي خطرت لي فكرة طولت عليكم اسفة
اخذت الجزر حبة والجريوات حبة والبصل وبشرتهم يشكل طولي وقليتهم مليح مع شوي زيت وتوابل ثم فتت الحوت و اضفت له الخضار ممكن ختى اضافة البطاطا ميشورة ومقلية ثم كمية من الجبن وشكلت بالخليط اصابع مررتها في البيض ثم لا شابلور وقليتهم صدقوني ( كما تقول حورية المطبخ) كان الذوق رائع ومازال ديك البنة في فمي
هذه تجربتي مع بقايا الطعام وما اكثرها في رمضان
سمحولي على الاطالة
اتمني ان تفيدونا بتجاربكم يا مدبرات ويا الفحلات
صح فطوركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة هاكدا ميكونش التبذير و تنوعي وتبتكر اطباق جدد
__________________________________________________ __________
>>>> الرد الثاني :
فكرة مليحة لكن شكون منا الي مابقتلهاش ماكلة و مادارتلهاش فكرة و كلحت بيها راجلها و اولادها
انا عن نفسي ياما درتلهم فكرات غير التبذير والله ماهو مليح و في رمضان بزاف حوايج يفضلو خاصتا
السلطات انا يبقاولي مع اني ندير كمية قليلة و عدت نقول كي ماتتكلش معاتش نديرها نخصر فيها
التعب و الخضروات و ماتتكلش غير يذوقو برك بارك اله فيك على الفكرة
__________________________________________________ __________
>>>> الرد الثالث :
انا درت طاجين الجبن وكي فضلي درتو حشو نتاع بوراك ههههه واحد مافاق غير انتوما
__________________________________________________ __________
>>>> الرد الرابع :
الله يسلمك اختي
فعلا هذا ما نبحث عنه الابتعاد عن التبذير خاصة في هذا الشهر العظيم عتى لا نخرجه عن المغزى منه و في نفس الوقت نتمتع بطيبات الله ونعمه دون الشعور بالتكرار والملل
__________________________________________________ __________
>>>> الرد الخامس :
يعطيكم الصحة حنوناتي
ربي يوفقكم
