عنوان الموضوع : حريرة من مطبخي :::::::
مقدم من طرف منتديات العندليب
السلام عليكم
صحا رمضانكم
ان شاء الله كامل راكم بيان في الشهر الكريم بدون اطالة راني لاحظت في موائدي كاين بزاف طلبات على الحريرة على هذا خممت باش نحطها موضوع على انفراد ان شاء الله نكون افدتكم بيها بيان سور على طريقة الغرب
المقادير
حبة بصل
3 سنات ثوم
حبة بطاطا متوسطة
3 حبات جزر
حبة لفت صغيرة
حبة كورجات صغيرة
حبة طاطم
جاج ولا لحم ولا اسكالوب حسب الرغبة والقدرة
غصن كرافس
قصبر
1 جامبو
ملعقة طماطم مصبرة
2 ملاعق مرمز
التوابل
ملح
فلفل اكحل
كمون
راس الحانوت
فلفل احمر حلو غبرة
قرصة سكنجبير
نوخة
حشايش تاع الحريرة
طريقة التحضير
في طنجرة حطي شوية زيت خليه يسخن شوية وضيفيلو البصل والدجاج ورشيه بالملح (متكثريش على خاطر راح تديري جومبو)وخليه يتقلى وممبعد رابي سنات الثوم ديري غير 2 وخلي سنة بجيه وكي يذبال البصل ديري التوابل (عدا النوخة والحشايش وجومبو)وخلطي ومتخليهمش ينحرقو وضيفي شوية برك ماء
ثو ضيفي الطماطم المصبرة والكرافس والقبر وقلي مليح وممبعد قطعي الخضر مكعبات وقليهم وفي الاخير ضيفي الماء وغطي الطنجرة تاعك
عند الخليان ضيفي 2 معق مرمز وخبيهم يطيبو مع بعض
لما تطيب المرمز والخضرة نحي اللحم احكمي لالوش ونحي المرقة لي تكون فوق سطح القدرة غير من فوق وحطيها في غرفية بجيه
اطحني الخضرة والمرمز كامل كيفكيف ورجعيهم فوق النار
في هذيك الغرفية ديري نصف ملعقة صغيرة حشايش تاع حريرة نوخة وجومبو وقطرات زيت وشوية طماطم مصبرة ورابي سنة تاع الثوم لي خليتهاوخلطيهم مليح
ضيفي هذي العقدة فوق الحريرة وخلطي مليح وخليها تغلة مدة 5 دقائق فقط وطفي
شهية طيبة
https://im33.gulfup.com/AUbxl.jpg
صح فطوركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
saha goulilna wech men jiha fel gharb
w noukha ki nsibha rani nekhdem el hrira dielek
goulili wech hiya el benna nta3ha fel hrira? nakedrou mendirouhech??
w hadik hchicha gartoufa wech tmed benna fel hrira,
__________________________________________________ __________
>>>> الرد الثاني :
المشاركة الأصلية كتبت بواسطة oumadoumawayouta https://3andlib.xplainer.net/images/...s/viewpost.gif
saha goulilna wech men jiha fel gharb
w noukha ki nsibha rani nekhdem el hrira dielek
goulili wech hiya el benna nta3ha fel hrira? Nakedrou mendirouhech??
W hadik hchicha gartoufa wech tmed benna fel hrira,
اولا اهلا حنونة نورتي انا من غليزان
بون النوخة تعطي ذوق رائع للحريرة وبالنسبة لعشبة قرطوفة مشي وحدها لالا انا قتلكم الحشايش تاع الحريرة فيهم مجموعة من الاعشاب مطحونين مين بينهم عشبة قرطوفة والنوخة و’’’’الخ روحي عند العطار يعطيك حشايش الحريرة فيهم راائحة مميزة وكي دييها في الحريرة يولي فيها ذوووووق خاص
ان شاء الله نكون افدتك
__________________________________________________ __________
>>>> الرد الثالث :
ahla ahla beness ghilizen
__________________________________________________ __________
>>>> الرد الرابع :
المشاركة الأصلية كتبت بواسطة oumadoumawayouta https://3andlib.xplainer.net/images/...s/viewpost.gif
ahla ahla beness ghilizen
الله يسلمك
__________________________________________________ __________
>>>> الرد الخامس :
جربتها عجبتني خير من الفريك خفيفة
