حابة نتعلم الفتيل من مطبخي
عنوان الموضوع : حابة نتعلم الفتيل من مطبخي
مقدم من طرف منتديات العندليب
مرحبا هل تستطيعون ان تعطوني طريقة فتيل الكسكس وخصوصا الرقيق نتاع الشرق هايل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اهلا حبيبتي ويعطيك الصحة كي راهي عندك ارادة باش تفتلي شوفي حنونة الفتيل ننصحك باش تتعلمي من عند وحدك تكون قدامك وتعلمك باسكو بالهدرة منقدروش نعلموك مليح فهمتي حنونة
__________________________________________________ __________
>>>> الرد الثاني :
اختي كيما قالت فارما الفتيل لازم التطبيق ماشي كيما الباقي تشوفي الصور و ديري لازم وحدة قدامك
__________________________________________________ __________
>>>> الرد الثالث :
https://djelfa.info/vb/showthread.php?t=237126
https://www.djelfa.info/vb/showthread.php?t=798222
عن تجربة ادا حبيتي طعام ما يتعبكش بزاف سيريه منه فيه يعني ماتديريش لرطب وحده و المتوسط وحده و فوري نصف الكمية و سيريه تم لما يبرد خلطيه مغ النصف التاني و افتلي ماراحش يخرجلك براكس يعني متل البركوكس و باه يجي رقيق هادا على السيار استعملي لي عينيه مفتوحين في الاول و من بعد عاودي في واحد مغلوق شوية من بعد ديري في الرفاد يخرجلك طعام و لما تيبسيه راح تزيدي تسيري طعامك كيما نقولو تنحيلو الراس يعني لي يبقى فوق السيار شوية خشين استعمليه ليكم برك نتمنى نكون افدتك
__________________________________________________ __________
>>>> الرد الرابع :
يعطيك الصحة على هذي النصيحة وانا نزيد نأكد للأخت بلي ناجحة 100 في 100 حتى انا نديرها قبل مانفتل يعني ليلة قبل كي نشري السميد نفورو ونخليه يبرد والصباح نبكر عليه على 5 تاع الصباح و11 نكون كملت معاه والسر في هذا انو ميتكعبش ويتفتل هااااااايل بالتوفيقhttps://3andlib.xplainer.net/images/smilies/1.gif
الفتيل لازم التطبيق هو سهل مي لازم وحدة تكون قدامك وتوريلك
__________________________________________________ __________
>>>> الرد الخامس :
ماشاء الله عليك كل اصبع بصنعة الله يرحم الي رباتك وعلماتك والله يخلّيلك داك القلب الحي ويحفظك من العين اااااااااااامين
نقولك الصح انا مين كنت في دارنا كنت نفتل مرة على مرة بحضور امي ربي يخليها لكن من اللي تزوجت ما فتلتش مع صبت الزوج ما يحبش بزاف الطعام ومين يجي في خاطرو ما يهمّوش يلا نتاع الحانوت ولا الدار جاتني على قلبي لكن الطياب كلشي تعلمته ونفرحه و دايما نبتكر اطباق جديدة ليه ولضيافنا
لكن اقول لصاحبة الموضوع يعطيك الصحة و لكل البنات تعلمي كلش ما تعرفي الزوج والعائلة اللي تطيحي فيهم و عاداتهم
