لي تعرف للشخشوخة و التريدة و الرشتة
عنوان الموضوع : لي تعرف للشخشوخة و التريدة و الرشتة
مقدم من طرف منتديات العندليب
لأخواتي نطلب منكم لي تعرف الشخشوخة تع سطيف كيفاش نعدوها و كيفاش تفور و كيفاش نديرولها الزيت في تفوارها توريلي جميع العفايس و شكرا جزيلا و التريدة كدلك و الرشتة شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي روحي للدرس 21 تلقاي الاخت ام رامي كاتبة عالشخشوخة وان شاء الله نكون افدتك
__________________________________________________ __________
>>>> الرد الثاني :
لكان تقصدى شخشوخة الضفر هى كالتالى تشمخى الشخشوخة حتى تتغطى بالماء كيما نديرو الكسكسى ونبعد قطريها و حطيها فى قصعة فرقيها على بعضها و خليها تنشف مليح ثم ادهنيها بشوية زيت و حطيها تفور فى كسكاس مليح كى تفور نحيها فرقديها على بعضها و بخى الماء بخان ما تكثريش باش ما تعجنش يعنى شمخيها شوية برك هكاك نصف كاس ماء خليها تنشف و زيدى ادهنيها بشوية زيت و رجعيها تفور نحيها حطيلها شوية زبدة و حركى وهدا المرة جيبى شوية مرقة حمراء الى حاطتها طيب صفيها زيديلها شوية طماطم مصبرة و شوية زبدة و حركىيهم فى بعضاهم و شمخى بيهم الشخشوخة و هدا هو سر البنة تاعها كى تشرب هداك الخليط مليح رجعيها تفور مرة اخيرة و كى يقرب موعد التقديم صفى المرق و اسقى الشخشوخة تاعك و حطيها على النار تتجمر وردىلا بالك تعوميها بالمرقة حطى بعقلك و شوفى و كى تقربى تنحيها من على النار حطيلها ملعقة اكل زبدة و خليها تدخل فيها و ما تبقايش تحركى بزاف حطى فى صحن و زينى باللحم و الحمص تجى لديدة بزاف
__________________________________________________ __________
>>>> الرد الثالث :
التريدة درتها لبارح جات قمة في البنة دريلها الزيت دخليه مليح تم حطيها فوق المرقة ديالك تفور المرقة فيها راس حار نحيها وسقيها بشوية مرقة + ملح باش ما تجيش ناقصة ملح ما تعوميهاش باش ما تتعجنش غطيها خليها تشرب ثم حليها بالزيت وما تخافيش كي تلصق شوية مع بعض في هاد المرحلة تم فوريها لازم تجيك شادة روحها شوية باسكو رايحة نجمروها في شوية مرقة فوق نار قليلة مع التحريك برفق وفي اناء واسع جدا ويا حبذا لو تغطيها باش تكمل طياب في الاخير ارمي عليها مارغرين او زبدة شهية طيبة
__________________________________________________ __________
>>>> الرد الرابع :
الشخشوخة ديال الضفر
رشيها بالزيت و فوريها
و مبعد بلبخيها بالما و زيدي فوريها
كي تنحيها حكيها بفص ثوم و طماطم مركزة شوية برك و زيدي فوريها
و في الاخر جمري قيس يما تاكلي و ديريلها الزبدة
تجي بالحميصة و القرعة برك ما تديريش اللفت و الزرودية
__________________________________________________ __________
>>>> الرد الخامس :
salem
oukhti chekhchoukha li ydirouha stayfia bezaf hiya el mefremssa
w ydirou theni chekhchoukht dfor sauce rouge w harra toktol hihihi
wel berboucha yehebouha bel khorchef wel left merka hamra biensur
trida ydirouha surtout ness ksantina sauce blanche
heta fi jjel yhebouha bayda
w kayen li ydirouha hamra bel hommos
chekhchoukha ta3 dfor w trida meyjouch fihoum el khodra
bark el hommos w nechebhoum bel bayd w felfel har li ykoun tab fel merka
dork yjou lebnet w ymedoulek les liens w tchoufi les recettes et les etapes
