خبيرات المطلوع ساعدوني المطبخ الجزائري
عنوان الموضوع : خبيرات المطلوع ساعدوني المطبخ الجزائري
مقدم من طرف منتديات العندليب
تعلمت مؤخرا عجن المطلوع الحمد لله العجينة تجي هايلة بصح هناك مشكلة مانقدرش نقرصها مليح وزيد كيما تخمر مانقرش نرفدها للطاجين عجوزتي مسكينة تكملها بصح هي عيات حابة نتعلم وحدي خصوصا زوجي وولدي يموتو في المطلوع في رمضان ارجوكن ساعدونيhttps://3andlib.xplainer.net/images/smilies/sdf.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عزيزتي مدام العجين يجي مليح هذاك هو الصح و التقراص كي تقطعي الكويرات خليها تريح باش تساعدك و تعطيك الطوع باش تقرصيها و إستعملي الحلال و ماتكبريش القرصة و قرصي بالفرينة باش كي ترفديها ماتلصقش في يديك و ديها خلي القرص قدام الطاجين باش ترفديها و أقلبيها بسرعة في الطاجين و كمليلها الطياب عادي
__________________________________________________ __________
>>>> الرد الثاني :
شكرا هنا في العاصمة يديروها كبيرة ويقرصوها بالسميد نجرب نقرصها بالفرينة
__________________________________________________ __________
>>>> الرد الثالث :
اذا ماعرفتيش تهزيها
ديري serviette تاع الكوزينة و قرصي فوقها
و ديري وحدة اخرى فوقها باه تقلبيها وماتلسقلكش كي تكملي خليها تخمر
و كي تجي تلوحيها في الطاجين هزي المطلوعة مع الserviette و قلبيها في الطاجين و نحي serviette
ان شاء الله تكوني فهمتيني
__________________________________________________ __________
>>>> الرد الرابع :
اخت نسيم الايمان اسمحيلي والله مافهمت
__________________________________________________ __________
>>>> الرد الخامس :
كيما قالتلك الاخت قرصيها بالحلال قرصة صغيرة فوق serviette ونغطيها بserviette اخرى وخليها شوي .. وكي تحبي تطيبيها نحي الserviette لي لفوق .. واقلبي القرصة فوق يديك بدون ما تنزعي serviette باه تبقى مسقمة حطيها في الطاجين ثم انزعي السارفيات..
