عنوان الموضوع : خبز الدار طريقة جزائرية
مقدم من طرف منتديات العندليب
المقادير
في صحن كبير ديري ثلاث بيضات مع نص كاس اينوكس زيت وملعقة كبيرة خميرة خميرة الخبز ومغرف ملح ومغرف كبيرة ونصف سكر زيدي فوقهم كاس ونصف حليب سائل دافي ونصف الكاس ماء زهر يعني زوج كيسان اينوكس بين الحليب وماء الزهر خلطي الكل مليح مليح بالباتور وزيدي 1كلغ بالضبط فرينة من دون زيادة ولا نقصان وزيدي 1خميرة نتاع القاطو ومغرف ثانية من خميرة الخبز خلطي من غير ماتعجني بملعقة خشبية رح تتحصلي على عجينة تلصق خليها في نفس الصحن وغطيه بكيس ثم بمنشفة وخلي العجينة تتخمر نصف ساعة في مكان دافيء ادهني زوج سنيوات نتاع الفرن بالزبدة وادهني يدك مليح بالزيت واقسمي العجينة على السنيوات الزوج زيدي ادهني يدك وحلي العجينة في السنيوة حتى تولي قيسها سقميها مليح راهي تاخد شوية وقت لان العجينة طرية بزاف وايلاستيك ادهني الوجه بصفار البيض ورشي الجلجلان والسينوج زيدي خليها تتخمر مرة تانية ربع ساعة وهدا امر مهم ويعمل فرق ثم انقبي القرصة بفرشيطة ودخليها تطيب ماتاخدش وقت كثير
ملاحضة استعملي الزيت في يدك لان العجينة شوية سائلة وتلصق في يدك ادا ما تستعمليش الزيت تغلبك معاها
ادا ماتحبيش الخبز الخشين نقصي شوية من العجينة قبل ما تحطيها في السنيوات تتحصلي عاى زوج قرصات كبار وقرصة صغيرة اعطيهالي ليا ههههههه
هاد الكمية تعملك زوج قرصات كي يجو ولادك ولا يجيوك الضياف يخلصوهم في زوج دقائق لانهم فعلا مثل القاطو
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة
__________________________________________________ __________
>>>> الرد الثاني :
هذا نفسه خبز الدار انتاع نينافرات و أنا مجربته عدة مرات راهو ايجي يهبل و خفيف شكرًا لك
__________________________________________________ __________
>>>> الرد الثالث :
شكرا على الوصفة
__________________________________________________ __________
>>>> الرد الرابع :
امممممممم رائع اختي يعطيك الصحة وبارك الله فيك
__________________________________________________ __________
>>>> الرد الخامس :
شكر لكن اختى انا رانى استغرب فى حاجة واحدة
ممكن الوصفة تاعك كيما تاع الاخت نينا فرات بصح الحاجة الى مافهمتهاش حتى الكلام منقول بالكلمة والحرف الواحد مستحيل تكون صدفة واذا ما صدقتنيش روحى حطى الرابط تاع الاخت نينا وشوفى
