اريد كيفية خبز البطبوط من فضلكم من مطبخي
عنوان الموضوع : اريد كيفية خبز البطبوط من فضلكم من مطبخي
مقدم من طرف منتديات العندليب
https://3andlib.xplainer.net/images/smilies/mh31.gifعيشكم شفت اخت حطت موضوع الخبز البطبوط ولكن طلبت منها تفسير مقادير الوصفة واليوم شفتو في المحلات يحشيوه بالكباب والله من كل اخت تعرف ومجربة الوصفة نتاعة تحطلي الطريقة وجزاها الله كل خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختى هنادى انتضرينى غدا نديرهولك و نقولك باش تحشيه راه مليح ياسر تصبحين على خير
__________________________________________________ __________
>>>> الرد الثاني :
ربي يبارك فيك بسومة الغالية راني انتظر فيك حبيبتي الف شكر
__________________________________________________ __________
>>>> الرد الثالث :
معذرة
طولت عليك بحكم العمل
العجينة 250 سميد100 فرينة ملح مغرف اكل خميرة الخيز مغرف سكر كاس الى اثنين ماء دافىء
خلطى كلش مع بعضاه و اعجنى و خليه يخمرمدة10 دقا ئق ثم حلى العجينة بالحلال و قطعى دوائر الحجم لى حاباتو انا فى المناسبات او العرضات نديرو بالكاس اما العادى تاعنا نقطعو اكبر شوية ونخليه يخمر للمرة الثانية و نطيبو فى مقلة ما تلصقش او طاجين اذا عندك مدهون شوية
كى يتنفخ نقلبو من الجهة الاخرى
الحشو 1-طيبى الدجاج الاسكالوب مع شوية زيت و ملح فلفل اكحل مغرف موتارد كى يطيب امعسيه وزيديلو علبة تع ياوورت طبيعى و3cornichons
حلى البطبوط فى الوسط و حطى ورقة سلاطة وحطى الحشو نتاعك واذا حبيتى زيدى مغرف مايوناز راه تعطيها طعم الذ
جربى هذه الوصفة ذرك نعطيك الحشو التانى حتى تعودى وحدك تخترعى الحشوات و تبهرى الغاشى راه كاين ياسر
__________________________________________________ __________
>>>> الرد الرابع :
بسومة كفاه يكون التحلال رقيق او خشين اي باي سمك وبارك الله فيك راكي ماطولتيش يارب وينجحلي بسومة الغالية
ربي يغليك ويعليك ويكملك واش في بالك
__________________________________________________ __________
>>>> الرد الخامس :
بسوم
ة
راني مكذبة لكان يصلح معايا بنتي شافتو برا سخفت عليه باه تشريه انا مخليتهاش لانني نخاف من اكل برا يارب ويصلحلي
