عنوان الموضوع : ستاك بالجلبان والبطاطا sautée من مطبخي طريقة جزائرية
مقدم من طرف منتديات العندليب
ستاك بالجلبان والبطاطا sautée
السلام عليكم ورحمة الله تعالى وبركاته
اليوم جبتلكم وصفة بنينة وخفيفة على المعدة
ستاك بالجلبان والبطاطا sautée
المقادير
لحم هبرة ، جلبانة ، بطاطا ، سمن ، قطعة زبدة ، زيت للقلي
ثوم، فلفل اكحل، ملح ، معدنوس، ملعقة كبيرة خل
https://www.5zzn.com/uploads/5zzn.com13216199002.jpg
اول حاجة نبدو بيها هي اللحم نحلوه كيما في الصورة (ماعرفتش المصطلح كيفاش)
https://www.5zzn.com/uploads/5zzn.com13216199221.jpg
وناخذو بالقطعة وندقوها مليح حتى تولي رقيقة
https://www.5zzn.com/uploads/5zzn.com13216199222.jpg
ونتبلوه بمغرف صغيرة ثوم ، ملح ، فلفل اكحل ، مغرف كبيرة ونص سمن ( ممكن اكثر حسب كمية اللحم)
ومغرف كبيرة خل احمر
https://www.5zzn.com/uploads/5zzn.com13216201502.jpg
ونغمسو كل القطع في التتبيلة ، نغطوهم ونحطوهم في الثلاجة ساعتين على الاقل
https://www.5zzn.com/uploads/5zzn.com13216201631.jpg
نوجدو صوص للبطاطا
نحطوقطعة او زوج من اللحم صغار ومن الافضل فيه الشحمة ( وشوي لحم مفرم ماشي لازم)
مغرف كبيرة سمن ،غير شوي ملح ( بطاطا تكون مالحة ) وفلفل اكحل
https://www.5zzn.com/uploads/5zzn.com13216198991.jpg
ونخلوهم على النار حتى يتقلو ويطلقو الزيت
https://www.5zzn.com/uploads/5zzn.com13216199112.jpg
نمرقوهم بشوي ماء ونخلوهم على نار هادية حتى يتشربو
https://www.5zzn.com/uploads/5zzn.com13216199111.jpg
وفي هذا الوقت نقشرو البطاطا نقطعوها دوائر ونقلوها في الزيت
والصوص تكون خاثرة ومتشربة
https://www.5zzn.com/uploads/5zzn.com13216199682.jpg
نحطو فيها البطاطا وشوي معدنوس ونخلطوها في لاصوص
https://www.5zzn.com/uploads/5zzn.com13216201681.jpg
ومن بعد نحطوها في مول تاع كوشا وندخلوها 10 دقائق فقط غير باش تتقرمش وتروح منها طراوة لاصوص
https://www.5zzn.com/uploads/5zzn.com13216201601.jpg
الجلبانة نكونو غاليناها في الماء وكي تطيب نقطروها في كسكاس
https://www.5zzn.com/uploads/5zzn.com13216201632.jpg
نحطوها في اناء ونزيدولها قطعة زبدة فلفل اكحل ثوم ملح ومعدنوس
https://www.5zzn.com/uploads/5zzn.com13216199681.jpg
وغير تتقلى شوي 5 دقائق فقط ( باش ماتذوبش ) نطفو عليها النار وتكون واجدة
https://www.5zzn.com/uploads/5zzn.com13216201682.jpg
اللحم اخر حاجة نعملوها
نقلوه في مقلة شايحة مانحطو فيها زبدة ولا زيت خاطر يطلق التتبيلة والماء تاعو وهم كافيين باش يتقلى مليح
https://www.5zzn.com/uploads/5zzn.com13216201602.jpg
لي ستاك متبلين واجدين وبنان اممممممم
https://www.5zzn.com/uploads/5zzn.com13216201611.jpg
البطاطا بعد ماخرجناها من الكوشة
https://www.5zzn.com/uploads/5zzn.com13216201601.jpg
والجلبانة
https://www.5zzn.com/uploads/5zzn.com13216205121.jpgبالصحة والعافية عليكم
https://www.5zzn.com/uploads/5zzn.com13216201612.jpg
لا تنسوني من دعوة خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك ويعطيك الف عافية يالشاطرةة
امممممممممممممم شهيبيني
صح فطوركم
__________________________________________________ __________
>>>> الرد الثاني :
ya3tik lsaha rihatha nchemha men hna hhhh
__________________________________________________ __________
>>>> الرد الثالث :
magnifique
ya3tik saha
__________________________________________________ __________
>>>> الرد الرابع :
امممممممممممممم يعطيك الصحة باينة بنينة صح فطورك
__________________________________________________ __________
>>>> الرد الخامس :
بارك الله فيك عجبتني طريقة الستيك الي عملتيه
انا نعمل نفسها لكن بلحم الديك الرومي
