العيد علا الأبواب هيا نجمعو كل الوصفات طبق جزائري
عنوان الموضوع : العيد علا الأبواب هيا نجمعو كل الوصفات طبق جزائري
مقدم من طرف منتديات العندليب
بما أنو العيد الكبير قرب ومبعد يكون معدناش الوقت حبيت نبداو نجمعو الوصفات وكل وحدة وش طيب تقولنا باه نتبادلو الأفكار
أنا اليوم نقولكم علا وصفت البوزلوف تاعي
يعني تا ماما علابالي بلي أختي كي تقراها تقولي سراقة كون نكتب الوصفة علا اسمي اذا للأمانة الوصفة راهي تاع ماما ربي يخليهالي نشاله
طولت عيكم نبداو نشاله
الراس باه يجي ساهل للخدمة فالعيد ومجيش ريحة الشياط بزاف وباه يجي روجي مش نيقرو هكذاا حنا في دارنا نتنافسو شكون الي الراس تاعها يخرج زين ونضحكو علا الكحلوش
المهم حطي ما يغلي هذي كي تبداو تذبحو
كي يجيبولك الراس دخليه داخل الماء الغالي شوية برك وخرجيه وبالموس نحيلو الشعر واصلي حتى يبقى غير شوية كمليه علا الطابونة
نفس الشيء بالنسبة للكرعين
أما الطياب
بعد متخدميه ديري بصلة شرائح حبة مليحة راس ثوم مكلاه ترابيه حبة قارس اقسميها علا زوج
ملح فلفل كسبر وحطيه يتقلى ومبعد امرقيه
وسكري لاكوكوت عليه
لما يطيب نحيلو لعظام وقطعيه
اقلي شوية بطاطا مربعات بتي داي
حطي الراس والبطاطا لوبيا خضرة ولا حبيتي تكون مفورة في بلاطو تاع فور هزي شوية مرقة زديلها لموتارد وصبي فوقهم الللللللى الفرن
وطلي عليها كل متحتاج شوية صوص امرقيها حتان البطاطا واللوبيا يوليو بنان اممممممممم
انا نحبها مع سلطة الكرنب روعة
اذا معندكش فور تقدري ديريها في الكوكوطة
مع شوية شونبينيو اممممم
وزيتون أخضر اممممممم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة اختي عندنا فكرة في دارنا كي نغسلوا الغرنوق نخلو شوي كرشة ومصرانة ولا ثنين على طولهم نقطعوا الكرشة مستطيلات ونطبقوها كيما سيقار البوراك ونلوو عليها المصران من الفوق للتحت ونعقدوه باش ما يتحلش ونديرو 3 او 4 ونطيبوهم مع الراس يهزو البنة نتاعو نخلوهم يبردوا ونقطعوهم دي ترونش اممممممممممممم يهبلوا
__________________________________________________ __________
>>>> الرد الثاني :
حنا المصران ندوروه علا الرجلين ونديرو بيه لوبيا بيضاء يجي يهبل
__________________________________________________ __________
>>>> الرد الثالث :
يعطيكم الصح ة الوصفات لي عودة انشاء الله
__________________________________________________ __________
>>>> الرد الرابع :
عودة ميمونة انشاء الله
__________________________________________________ __________
>>>> الرد الخامس :
راه كلشي يشهي
حنا نعرفو غي الباربيكيو و الفرن
و كي نبردو الجنون في اللحم و يكمل
نجبد و الراس و الدوارة آخر حاجة
