دجاج محمر مع الروز من مطبخي ***** طبق جزائري
عنوان الموضوع : دجاج محمر مع الروز من مطبخي ***** طبق جزائري
مقدم من طرف منتديات العندليب
https://i1212.photobucket.com/albums...titled-1-1.gif
https://up.djelfa.info/uploads/13466273241.gif
روز بالدجاج
المقادير
طراف تاع جاج على حسب عدد افراد الاسرة
التتبيلة
ملح فلفل احمر فلفل اكحل زعفران زيت وشوية مرغرين وشوية زعيترة يلا عندك نخلط هدوك التوابل مع بعض ونمرمد الجاج فيهم ندهن المل الي يدخل للفرن ونستف الدجاج ونديرلو هديك شوية مرغرين من فوق ويلا في وسط دجا افتحيها بموس خاصتا الصدر باش مايجيش ناشف ونغلف المول بالمنيوم وندخلو للفرن
الان نحط ماء يغلي قرصة ملح على حسابك كل واحد كيفاش يحبو كي غلي نحط الروز من النوع المفور ومغرف زيت باش مايلسقش مع بعضو
ونخليه يطيب مرة على مرة نحرك
الصوص طماط
انا درت حبة بصل كبيرة قطعتها قطع صغيرة جدا ودرتها في مقلات فيها 4 مغارف زيت وخليتو يتقلى مليح مع شوية ملح حتي بدا يحمار اضفت 3 حبات طماطم متوسطات كنت رابيتهم في اسكرفج خشينة مايهمش لانو من بعد راح نميكسيه ودرت فلقل اكحل واحمر وخليتها طيب وكي بدات تغلي دير ملعقة طماطم مصبرة في كاس ماء ساخن وفرغيه عليها وخليها طيب كي تحشوفيها قريب تنشف رابي 2 سنات ثوم عليها وطفي عليها اضربيها بميكسور 2 دورات راح تترحى بلخف
الان كي يطيب روز ويفور انا درتلو زعفران نص نص فرغت الصوص الي نزلت من الدجاج على صوص طماط باش تتلق البنة وحطيت شوية مرغرين على الرزو بعد ما طاب حطيتو في مول الي كان فيه جاج وفرغت صوص وخليت شوية نحطها بجنب الطبق في الاخير
ونحط دجاج فوق روز ونعاود ندخلو للفرن كي يطيب الروز وينشف من الصوص طفي وابالصحة والراحة وان شاء الله تطبقوه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممممممممممممممممممم هااااااااااااااااايل يعطاك الصحة اختي
__________________________________________________ __________
>>>> الرد الثاني :
الله يسلمك حنونة تفضلي انتي الاولى الي رديتي راكي معروضة
__________________________________________________ __________
>>>> الرد الثالث :
مممممممممممممممممممم هبال واع جوعتيني يعطيك الصحة يسخف
__________________________________________________ __________
>>>> الرد الرابع :
مممممممممممممممممممممممممم نموت على الروز وبالجاج المحمر يممممممممممممم
يعطيك الصحة https://3andlib.xplainer.net/images/smilies/19.gif
حقة قوليلي واش من نوع نتاع أرز تستعملي ؟
__________________________________________________ __________
