اجريو ليا الكلمار ما حبش يطيبلي طريقة جزائرية
عنوان الموضوع : اجريو ليا الكلمار ما حبش يطيبلي طريقة جزائرية
مقدم من طرف منتديات العندليب
اخواتي حخبيت نقولكم بلي راجلي جابلي هداك الكلمار الكونجلي الي يجي دوائر و انا ما نكدبش عليكم جامي طيبتو شفت في الانترنت قالك ديريلو شوية ملح و فلفل اسود و مبعد مرريه في الفرينة و البيض و اقليه و انا درت كيما هكدا لكن بقا يابس و ما حبش يطيب تعيشو اللي قلات الكلمار من قبل تقولي كيفاش دارتلو و تقولي واشنو هو الخطا اللي درتو تعيشو جاوبوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
خليه يديكونجلا بعقلو واخد زوج سوايع من بعدطيبيه كيما تحبي
__________________________________________________ __________
>>>> الرد الثاني :
اختي الكلمار راهو يطيب بسرعة يعني كون طولي عليه بالطياب راهو ييبس
وكيما قاتلك الاخت ام سوسو لازم تخليه يديكونجلا فبل
انا نقليه شوية برك بالزبدة ومبعد نطيب صوص تمات ونحطو داخلها مع يهز الغلية نطفي باه ميوليش قاسي واذا حبيتي الوصفة بالتفصيل راني نكتبهالك
__________________________________________________ __________
>>>> الرد الثالث :
بالاك طيبتيه بزاف مالا رجع عاصي
__________________________________________________ __________
>>>> الرد الرابع :
شكرا لكن على الاجابة و الاهتمام خواتاتي و الله ما علابا لي و انا خليتو ديكونجلا مليح مارانيش عارفة مينو الخطا حبيت نسقسيكم انتوما كي تطيبوه يجيكم طري بزاف ولا هو يجي عاصي
__________________________________________________ __________
>>>> الرد الخامس :
