سمك التونة بالخضر.سهلة شهية و صحية من مطبخي
عنوان الموضوع : سمك التونة بالخضر.سهلة شهية و صحية من مطبخي
مقدم من طرف منتديات العندليب
اليوم بعثت زوجي يشريلنا شوية سردين . دار رايو جابلي زوج حوتات تونة . وحصلت واش من طريقة نديرهم.
تفكرت طريقة سهلة شهية و صحية وهي سمك التونة بالخضر جربوها ماتندموش .
المقادير
- سمكة تونة واحدة متوسطة او2 سمكات صغار
-2 حبات بطاطا كبار أو حسب العائلة
- 3حبات طماطم متوسطة
-2 حبات بصل
-1/2 كاس زيت
من 6الى7سنات ثوم
عصير حبة قارص
شوية دبشة و شوية معدنوس
- قرن فلفل حار و 2قرون حلو
-كمية معتبرة من الكمون و الفلفل الاكحل و شوية ملح .
الطريقة
نبداو أول شيء نحلو الحوتة من داخل ونظفوها مليح ونغسلوها مليح مع قطرة خل ومبعد حليها بالموس من فوق كما توضح الصورة
وجدي الحشو الي تحشي بيه الحوتة وهو عبارة عن
حبة بصلة +حبة طماطم +سنات ثوم +معدنوس +دبشة +ملعقة طماطم مصبرة +شوية ملح +كمون +فلفل أكحل +عصير حبة قارص وشويةخل والزيت. ثم الى المكسور
من بعد احشي الحوتة نتاعك كما توضح الصورة
وخلي شوية من الحشو مبعد نديروه مع الخضار .خلي الحوتة نتاعك تترقد شوية وروحي للخضرة نتاعك
نضفيها وقطعيها دوائر وحطيها مع الحوتة بلا ماننسى الحشو فرغيه فوق الخضركما في الصورة
غطيها مليح بالألمنيوم ودخليها الفرن حوالي 45 د الى ساعة .
الطبق بعد ما خرج من الفرن
مرحبا بيكم
-
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
نموت على حوت يعطيك الصحة حبيبة
__________________________________________________ __________
>>>> الرد الثاني :
يعطيك الصحه وَبَارِكْ الله فيك على الوصفه بين بنيييييييين وخصت الراءحه اممممممممم
__________________________________________________ __________
>>>> الرد الثالث :
يعطيك الصحة ديرتو غير البارح
عجبتني طريقتك المرة الجاية نجربها شكرااااااا
__________________________________________________ __________
>>>> الرد الرابع :
أوه شهيتيني 4444444.
__________________________________________________ __________
>>>> الرد الخامس :
روووووووووووووووووو عة
