قطع وارمي...المقطعة...ثيقزيرث أوجنوي...ادخلو ومدولي رايكم المطبخ الجزائري

عنوان الموضوع : قطع وارمي...المقطعة...ثيقزيرث أوجنوي...ادخلو ومدولي رايكم المطبخ الجزائري
مقدم من طرف منتديات العندليب

السلام جبتلكم اليوم الماكلة اللي يديروها قع الجزائريين مي كل واحد واش يسميها
احنا بالعربية نقولولها قطع وارمي وكاين اللي يقوللها المقطعة والقبايل يقولولها ثيقزيرث الموس

نخليكم مع الصور اللي راح يفهموكم كل شي



انا هنا نحب ندير الخضر قع اللي متوفرة عندي كيما راكم تشوفو زرودية بطاطا لفت بصل كورجيت توم فلفل حار
https://im20.gulfup.com/nvMj1.jpg



هنا توجدي عجينة تحبي بالسميد رقيق ولا الفرينة انا خدمت بالفرينة تلميها بالما والملح برك

https://im13.gulfup.com/UkyA1.jpg



وهنا تديريها في النيلون وتخليها ترتاح

https://im13.gulfup.com/Aufl2.jpg





هنا تحذي البصل والثوم يتقلاو ومن بعد تزيدي الخضرة قع والطوماطيش نتاع بواط والتوابل راس الحانوت فلفل لكحل ملح جومبو فلفل عكري
https://im28.gulfup.com/Cdw61.jpg


وتمرقي بالما

https://im18.gulfup.com/MJlg1.jpg



تشدي العجينة وترشي تحتها بزاف فرينة وتبداي تفتحيها لازم تكون رقيقة
https://im19.gulfup.com/3H0g1.jpg




كيما هنا قد ماتكون رقيقة مليح
https://im27.gulfup.com/5CiN1.jpg





وتعمريها من الفوق بالفرينةوتقسميها شرائط كبار كيما راه باين
https://im28.gulfup.com/HKiS1.jpg




وتزيدي تديري الفرينة وترفدي كل شريط فوق خوه كيما هكذا ولازم تكون الفرين بزاف بيناتهم باش مايلصقوش

https://im28.gulfup.com/gbSy2.jpg



وتبداي تقطعي بالموس رقيق
https://im28.gulfup.com/lLqw3.jpg



كيما هكذا وتديرلها الفرينة باش يبقاو متفرقين
https://im21.gulfup.com/zFHe1.jpg



وكي تطيب المرقة نتاعك والخضرة اللي فيها ترفدي العجين اللي خدمتيه وتغربليه باش تهبط قع الفرينة اللي درتيها

https://im21.gulfup.com/9fO82.jpg


وكي تتغربل مليح ارميها داخل المرقة وحركي بسرعة باش ماتلصقش في بعضها وتخليها تطيب من 15 دقيقة لعشرين لازم يطيب ملبح العجين

https://im21.gulfup.com/ZHIS3.jpg


وهنا كي طابت
واللي تردلي تاكل مغرفة وتخلي للبقيةhttps://3andlib.xplainer.net/images/smilies/1.gif

https://im21.gulfup.com/Kf3Q4.jpg

هاذ الماكلة تحب الحار بزاف واللي حاب يديرلها اللحم يديرلها
واش رايكم؟؟؟https://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gif

نستنا ردودكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اهنا يسموها المقطعة يعطيك الصحة

__________________________________________________ __________

>>>> الرد الثاني :

امممممممممممممممممممممم مونية يا مونية نموت عليها يعطيك الصحة شهيتينى
انا عجوزتي جوزها فى الماكنة تاع البقلاوة وتقطعها فى جهة الرشتة العريضة يجيو طوال
بالصح نجرب طريقتك فى اعدادها عندي بزاف ما درتهاش
بارك الله فيك

__________________________________________________ __________

>>>> الرد الثالث :

المشاركة الأصلية كتبت بواسطة حيهتى كلها امل https://3andlib.xplainer.net/images/...s/viewpost.gif امممممممممممممممممممممم مونية يا مونية نموت عليها يعطيك الصحة شهيتينى انا عجوزتي جوزها فى الماكنة تاع البقلاوة وتقطعها فى جهة الرشتة العريضة يجيو طوال بالصح نجرب طريقتك فى اعدادها عندي بزاف ما درتهاش بارك الله فيك

هي كل واحد كيفاش يديرها احنا ماما كانت تفتح العجينة كبيرة وتروليها ومن بعد تقطعها كي تزوجت لقيت عجوزتي تديرها هكذا عجبتني طريقتها خاطرش تجي رقيقة بزاف
والله لوكان قدامي نوكلهالك حتان تشبعي منها

__________________________________________________ __________

>>>> الرد الرابع :

المشاركة الأصلية كتبت بواسطة أم ياسين الزهراء https://3andlib.xplainer.net/images/...s/viewpost.gif اهنا يسموها المقطعة يعطيك الصحة

يعطيك الصحة حنونة على الرد

__________________________________________________ __________

>>>> الرد الخامس :

يعطيك الصحة باينة بنينة هذه الأكلة مانعرفهاش راح نجربها
مشكورة