عنوان الموضوع : خبز مضفور ولا اروع بالصور من مطبخي
مقدم من طرف منتديات العندليب
السلام عليكم يا لحراير واش راكم اليوم جيتكم وجبتلكم حاجة جربتها وتعلمتها من احد المنتديات .
الي هي خبز محشي ومضفور رووووووووووووووووعة
مش نشكر في روحي بصح والله الي شافوه وكلاوه اووووووووووكل هبلو عليه
هيا نبداو بسم الله .
اول حاجة الحشوة :
1- صلصة الطماطم :
انا مكانش عندي لحم الي عندو لحم يقدر يستعملو او دجاج اكبد طبعا وانا استعملت التالي .
طماطم ، بصل ، ثوم ، فلفل اخضر حار ، بهارات ، هريسة حارة، ملح ، سكر .
نحط البصل المقطع قطع صغيرة في شوية زيت لحتاان يذبل ، نضيف فوقو الفلفل لما يذبلو مليح نحط الطماطم المقطعة ونحط عليهم شوية لهريسة ونحط البهارات والملح وشوييييية سكر ينحيلنا الحموضة
وتكون بهذ الشكل .
https://files2.fatakat.com/2015/11/13848557579488.jpg
2- حبات بطاطا نقطعها قطع صغيرة ونقليها في الزيت ونملحها ونحطها على جنب وتكون بهذا الشكل
https://files2.fatakat.com/2015/11/13848559173369.jpg
3- فرماج مبشور وزيتون اخضر مقطع قطع صغيرة (او اسود يعني الموجود عندكم ) بهذا الشكل
https://files2.fatakat.com/2015/11/13848560579716.jpg
ثاني حاجة العجينة :
ساهلة بزاااااااااااااااف نبداو
3 اكواب فرينة
نص كوب زيت
ملح
ملعقة كبيرة خميرة
شوية سكر
ماء او حليب دافئ للعجن من الاحسن يكوون حليب لانو يجي الخبز هش وخفيف على المعدة
- نخلطو جميع المكونات مع بعض ونخليوها تتخمر لبعض الوقت
-بعدين نعمل كويرات بهذا الشكل
https://files2.fatakat.com/2015/11/13848566791376.jpg
ونبداو بالكويرة الوحدة نحلها رقيقة ونقطعها على الحواف ونحطو الحشوة في النص التكون الصوص الاولى وبعدين البطاطا ويعدين الزيتون وبعدها يالفحلات الفرماج المبشور بهذا الشكل
https://files2.fatakat.com/2015/11/13848568273272.jpg
ونبداو نضفرو نجيب قطعة من اليمين الى اليسار حتى تتضفر معانا كلها ونمسحها من فوق بشوية بيض باش تتتحمر طبعا الصورة موجودة
https://files2.fatakat.com/2015/11/13848570251141.jpg
بعدين نحطها في الفرن الي طبعا يكون سخون ورح يكون خبزنا في الاخير بهذا الشكل
https://files2.fatakat.com/2015/11/13848571666933.jpg
وبالصحة ولهنا على قلوبكم نتمنى تجربوه وتعطيوني رايكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ممممممممممممممم يشهي اختي نجربو انشا الله ونحطلك تطبيقي يسلم هادوك الديدات
__________________________________________________ __________
>>>> الرد الثاني :
المشاركة الأصلية كتبت بواسطة kika85 https://3andlib.xplainer.net/images/...s/viewpost.gif
ممممممممممممممم يشهي اختي نجربو انشا الله ونحطلك تطبيقي يسلم هادوك الديدات
الله يسلمك حنونة جربيه ومش رح تندمي
__________________________________________________ __________
>>>> الرد الثالث :
يعطيك ااصحة مميزة يااختى
ماشاء الله عليك صحة وهنا
__________________________________________________ __________
>>>> الرد الرابع :
يشهي....ان شاء الله نجرب
__________________________________________________ __________
>>>> الرد الخامس :
نورمال يجي بنين ذوقويشبه البيتزا ابشكل جميل يعطيك الصحة عمل متقون
