البركوكش من مطبخي بالصور طريقة جزائرية
عنوان الموضوع : البركوكش من مطبخي بالصور طريقة جزائرية
مقدم من طرف منتديات العندليب
السلام عليكن
البركوكش وهو وصفة عائلية اصيلة لجدتي الغالية ربي يرحمها
طريقة التحضير
نضع في كسرونة كمشة من الغرس ونسقيها بالماء الدافئ ونتركها تترنخ مليح
لما تترنخ ندعك مليح الغرس في الماء كيما نقو لغدس نفس الطريقة
حتى يصبح لون الماء بني غامق اذا احتجت تكرار العملية يمكنك فعل ذلك
لما تكملي ضعي الماء المصفى من التمر في القدر لي راح طيبي فيه وتظيفي الماء بقدر الحاجة
https://im36.gulfup.com/IZFU1.jpg
من جهة أخرى تكوني رنختي كمشة : فول يابس وفرماس و عدس وطماطم يابسة صفيهم وضعيهم في القدر
https://im36.gulfup.com/fFK3u.jpg
هرسي الفلفل الأحمر اليابس مع الثوم و الملح والفاح وضعي الكل على باقي المقادير
يفضل توضعي لحم القديد لكن لأن زوجي ما يحبو وضعت قطع صغيرة من الدجاج
ايضا ما ننسى طماطم وبصل مرحيين وطماطم علب وزيت و كمشة حلبة
لما يغلى ضعي على الكسكاس حوالي رطل بركوكش مدهون بالزيت يفور أنا نفور مرة وحدة لأنه اساسا مفور
بمجرد ما يفور حطيه في القدر لأن المقادير تكون نضجت بحوالي 50 بالمائة خليه يكمل معاهم طياب
قبل ما تطفي بعشر دقائق ضعي الرند قرن فلفل حار زوج ملاعق ك حبة البركة
وهذا شكله النهائي
https://im36.gulfup.com/4tdDh.jpg
https://im36.gulfup.com/YzFlK.jpg
يمكنك وضع على الوجه الدهان أو زيت زيتون وللنفساء يوضع الضرور - وهو مجموعة اعشاب جد طيبة ومفيدة لها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة اول مرة نسمع بحكاية الغرس ربي يجازيك
__________________________________________________ __________
>>>> الرد الثاني :
جربيه ورديلي لخبر
شكرا لمرورك الذي عطر صفحتي
__________________________________________________ __________
>>>> الرد الثالث :
هاااااااااااايل يشهي هنا ثانيك نخدموه هكا نديرولو التمر والهرماس في الاخير
يعطيك الصحة
__________________________________________________ __________
>>>> الرد الرابع :
شكرا عزيزتي
الحمد لله بلادنا غنيةوتتنوع الأطباق لكن اصولها وحدة
__________________________________________________ __________
>>>> الرد الخامس :
اول مرة نعرف بلي بركوكس ادير فيه الغرس حاجة جديدة نشاء الله نجربو
