طرقي في عمل الدجاج طبق جزائري
عنوان الموضوع : طرقي في عمل الدجاج طبق جزائري
مقدم من طرف منتديات العندليب
السلام عليكن
احب جدا الدجاج ونظل نجرب ممكن لي توصلت لهذي الطريقة الله اعلم
المهم في السنة النبوية ذكر عن اللبن او الحليب
من أطعمه الله طعاما فليقل: اللهم بارك لنا فيه وارزقنا خيراً منه. ومن سقاه الله لبناً فليقل: اللهم بارك لنا فيه وزدنا منه، فإني لا أعلم ما يجزئ من الطعام والشراب إلا اللبن
لذلك اخذ الحليب فهو أفضل ما يوصل التتبيلة للعضم
واضع فيه فصوص ثوم مقطعين رقيق
نصف بصلة ،مملح ،فلفل اسود، قليلا من الزعتر
وانقع فيهم قطع الدجاج - يفضل لي كويس لأن قطع الصدر يلزم ترتيب آخر باه ما يجوش ناشفين - لليلة كاملة
ثاني يوم اغسل القطع
ادهن الصينية بالزبدة و الزيت
ارص قطع الدجاج
اضع قليلا من الماء
وارش عليهم الملح
لما ينضجوا تقريبا- نحي الصوص نحتاجها - نكون حضرت صحن فيه ملعقة موتارد - أو مايونيز - وملعقة عسل وملعقة خل وقليلا من الزعتر وملعقة هريسة -غير ضرورية - صويا صوص أو أكتف بالخل
نخلطهم مليح وندهن بيهم القطع ونحل على النار من فوق اي الشواية ونخليهم يحمارو لونهم صدقوني خياااااااااال وبنتهم روعة
https://im42.gulfup.com/pogO5.jpg
لي تحب تعمل دجاج كنتاكي
لما ينضج الدجاج في الفرن تخرجوا
تعمل في صحن فرينة مملحة وفيها فلفل اسود وكمون وخميرة الحلوى
وصحن بيه بيض مملح
وصحن به بسكويت مرحي - من نوع يكون فيه الزبدو أكثر-
تاخذ القطع
تغمس في الفرينة ثم في البيض ثم في البسكويت ولما تنهي جميع القطع تقليهم في الزيت
يخرجو رووووووووووووووووعة
بالنسبة لقطع الصدر
لما تحبي تعمليهم اظيفي زبدة بين الجلد و اللحم وكل 15 دقيقة صبي عليه من الصوص
يجي هشيش وغني بالعصارة
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
دجاجة محمرة
ناخذ دجاجة نشوطها ونقيها مليح ونغسلها بماء فيه ملح ومبعد نمرر عليها قارصة باه تنحي الزنخة
نكون محضرة خلطة في بلار مكونة من ملح وكمون وفلفل اسود و شوي زعتر خاصة بالدجاج
نذرذر داخل الدجاجة
ونحضر الحشو
نحب حشوة الروز مكونة من الروز طايب نص طياب + كمون + ملح + دبشة ومعدنوس ورند
و الثوم و فلفل اسود وزيتون اخضر ثم نحشي بيه الدجاجة وقبل ما نخيطها اضع حبة بيض مغلية هههههههه
لما تفتحيها تقابلك حبة بيض أما الصدر فبين اللحم و الجلد نعمل عجين مكون من الزبدو وثوم
اضع في الصينية الزبدة و الزيت وشوي ماء ونحط عليه الدجاجة الله الله
بعد نضوجها تقريبا نكون جهزت خليط مكون من خل وزعتر وكمون وسن ثوم وشوي عسل
ندهنها بيه ونخليها تتحمر لونها يجي احمر لامع هباااااااااااال
https://im41.gulfup.com/zOwgo.jpg
يتبع
دجاجة محشية منزعة العظم
اصبحت كل السيدات تعرف الآن كيفية نزع العظم
لذا نبدأ في الحشوة
مكونة من البصل و ثوم ولحم مرحي ملح فلفل اسود وشوي قرفة وجوز مكسر شوي كبير ماشي مرحي
زيتون اخضر ودبشة ومعدنوس وتحشي بيه الدجاجة وترجعيها لشكلها الطبيعي بالحشو بين الثنايا
دخليها للفرن ولما تنضج تستخدمي نفس التتبيلة على الوجه باه يخرج لونها أحمر
صدور الدجاج
صدر الدجاج نضفيه بماء مملح وقليل من الخل أو القارص
افتحيه من الوسط واحشيه بــ: سنين ثوم مرحي،معدنوس،زعتر، ملح فلفل اسود ،بصلة، قطع فرماج غرويار
و على الوجه فرماج شيدار او بارميزن
رصيهم في صينية ودخليهم للفرن
صدر الدجاج محشي بالسلق
تشرحي صدر الدجاج من المنتصف بحيث يصبح عندك قطعتين
توضعيهم بكيس ودقيهم بحيث يصبحو رقاق
تحضري حشوة السلق مع بصلة وتوم وملح وفلفل تقليهم في الزيت
لما يذبالو طفي على النار ضيفي عليهم زيتون مقطع رقيق وفرماج بارميزو
أحشي الصدر ولفيه وشديه بالكوردون
رصيهم في الصينية المدهونة بالزبدة وزيت مع قليل من مرق الدجاج مجهز مسبقا
لما ينضج قدميه يكون لذييييييييذ على ضمانتي
صدر دجاج بطريقة بادي
في ايطاليا عادة يحضرو خبز مرحي مع معدنوس وبارميزان
ملح و فلفل اسود و كمون
يحوهم مليييييييييح ويرمدو بيهم
مثلا وصفة بادي وهي بسيطة ولذيذة
تاخذي صدور الدجاج تشرحيهم على اثنين وادقيهم حتى يصبحو رقاق
ترمدي في الفرينة المملحة
ثم في بيض مملح ومظاف له البارميزون
ثم في خليط الخبز
تقليهم في الزيت ويتقدموا مع السلطة
__________________________________________________ __________
>>>> الرد الثاني :
بارك الله فيك عزيزتي وصفات رائعة ننتظر البقية
__________________________________________________ __________
>>>> الرد الثالث :
السلام اختي يعطيك الصحة علي التتبيلة الاولي بالحليب اول مرة نسمع بيها اما بالنسبة للكنتاكي تقريبا نفس طريقتي و انما انا نرمده في
خبز مطحون ما جربتوش بالبسكويت و بالنسبة للصويا صوص تعطي طعم بنين في الدجاج خصوصا الصدر و نتمني ادا عندك وصفات بصدور الداجاج المحشية تفيدينا بيها لان الصدر الدجاج لازمله طبخ حاص و سمحيلي علي الثرثرة وشكرا
__________________________________________________ __________
>>>> الرد الرابع :
ماشاء الله وصفات راءعة بارك الله فيك
__________________________________________________ __________
>>>> الرد الخامس :
هايل حنونة الله يعطيك الصحة
