ساعدوني يا الفحلات من مطبخي

عنوان الموضوع : ساعدوني يا الفحلات من مطبخي
مقدم من طرف منتديات العندليب

اليوم جابلي راجلي الخرشوف شكون لي عندها طريقة شابه لطهيه المهم يكون في مرقة وقولولي نغليه قبل ما نديرو في المرقة ولا لا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي اختي نقيه من الخيوط الي فيه و قطعيه قطع متوسطة ماهي صغيرة ماهي كبيرة و غليه في الماء
من جهة اخرى حضري مرقة بيضاء باللحم يكون بنين على الدجاج و بصلة مكرفجة ملح فلفل اسود زيت قلي مليح و مرقي حووالي كاس ماء و بعد ما يغلي الخرشف نتاعك اغسليه و ارميه مع اللحم و خليه يطيب الاحسن ساعة تلقايه طاب مليح تحبي تزيديلة بطاطا مقطعة و خليها تطيب و تخثر المرقة مليح و طفي
عند التقديم زيني بالمعدنوس و البصل مقطعين رقيق مع القارص و شهية طيبة
ممكن كذلك تخلطيلو جلبانة يجي بنين معاها

__________________________________________________ __________

>>>> الرد الثاني :

يعطيك الصحة ام ابراهيم قمت بالواجب
ماتخليهش يغلي بزاف في الماء فترة صغيرة خلاص
ديريه مع الجلبانة مع البطاطا في العجائن
نحبه مع الكسكس والشخشوخة امممممممممممم

__________________________________________________ __________

>>>> الرد الثالث :

الله يجازيكم فحلات ونص

__________________________________________________ __________

>>>> الرد الرابع :

عندك الحق أساتذتي ام ماجد بنتوا مع البربوشة وشخشوخة الضفر

__________________________________________________ __________

>>>> الرد الخامس :

شوفي ان نديروا بهذي الطريقة نقيه خاصة من هذوالخيوط ونطيبوا ومبعد انصفيه ومن جيها ندسكف بصل ثوم طماطيش واللحم ونقليهم فلفل اسود ملح زيت حشاوش ونقلي ثمطماطم مصبرة نركها ماهم شوي ونمرق بالماء الساخن ونسيت الحمص تاني وجيبيالحم مرحي ديريلو كيما تكوني راح تخدمي دولما وحشي فالخرشف وغطي بوحدخرا والخرشف ادهنيه بياض البيض باه ما يتنحش الحشو وكي يطيب تقريب اللحم حطيحبات الخرشف حتى تتجمر ويطيب اللحم الي لداخل مايديشوقت بزاف وحمريهم فالفور وخلي فيهم لاصوص ماتخليههاش تنشف بزاف
ون سؤلك تغليه قبل ايه باه يتنحلو وحد المرار