بيتزا del arte عند ام ايوب مممم من مطبخي
عنوان الموضوع : بيتزا del arte عند ام ايوب مممم من مطبخي
مقدم من طرف منتديات العندليب
بالنسبة للعجينة
انا درت 500 غ فرينة
2 ملاعق كبار زيت زيتون
مغرف كبيرة سكر
نصف مغرف كبيرة خميرة في الصيف او مغرف كبيرة في الشتاء
1/8 ل ماء و اضيفي له نصف كاس حليب الكل ربع ليترا بين ماء و حليب يكونوا دافيين تقدري ديري 2 ملاعق كبيرة لحظة في بلاصة الحليب السائل
نخلط الكل جيدا و نعجنها انا عجنتها غير شوية برك و درتها في كيس خليتها ترتاح نصف ساعة او اكتر
ثم نكورها كويرات و نغطيها و نتركها ترتاح ايضا انا بديت خدمت العجينة باش الوقت للي نكون نطيب فيك لاصوص تكون تريح
نحل العجينة بالحلال سمك 1 سم جاتني 3 خبزات
بالنسبة للصلصة
درت 4 حبات طماطم
2 ملاعق كبار زيت زيتون
فلفل احمر فلفل اسود و ملح
رند و زعتر
حبة سكر
نصف مغرف كبييرة طماطم مصبرة
حبة بصلة
3 سنات ثوم
الجبن كيما تحبي انا درت جبن المعز و غرويار رابي و كامومبار و جبن la raclette و مودزاريلا و كل واحد يدير واش يحب انا نحب الاجبان و كانوا عندي لهذا درتهم كامل
درت شوية فلفلة حمراء قطعتها صغير و دتها فوق الجبن
https://im40.gulfup.com/KAzp3.jpg
https://im40.gulfup.com/Ewxzx.jpg
https://im41.gulfup.com/tNKE9.jpg
https://im41.gulfup.com/yTism.jpg
ملاحظة الصلصة راهي بقاتلي لانو درت زوج خبزات بصلصة الطماطم و الخبزة الثالثة درتها بلاكرام فراش
و هي للي قصدت بيها pizza del arte هنا بفرنسا لها نفس المذاق كيما للي درتها هما يزيدو يديرو فيها السلمون بنوعيه المدخن و العادي انا درتو غير بالمدخن بنينة بزااااااااف مممممممم
https://im40.gulfup.com/gAcOd.jpg
https://im41.gulfup.com/AYab1.jpg
الطريقة هي
درت فوق العجينة لاكرام فراش في بلاصة صلصة الطماطم
ثم رشيت الزعتر ثم نصف حبة بصل قطعتو طول
ثم درت جبن رابي
ثم السلمون المدخن قطعتو الى قطع
دخليهم يطيبو في فرن مسخن 200 درجة من 10 الى 15 دقيقة انتي شوفي اذا خصها الطياب ام لا
و شهية طيبة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تشهي تشهي يعطيك الصحة
__________________________________________________ __________
>>>> الرد الثاني :
ممممممممممممممممممممممممم تشهي رووووووووووعة
أم أيوب من فضلك حطيلي الوصفة بسرعة الوصفة من فضلك
أم أيوب كون ماتحطيهاش اليوم مارانيش رايحة نشوفها ، قوليلي برك ماهي أنواع الجبن اللي استعملت ؟
__________________________________________________ __________
>>>> الرد الثالث :
المشاركة الأصلية كتبت بواسطة إلهام07 https://3andlib.xplainer.net/images/...s/viewpost.gif
ممممممممممممممممممممممممم تشهي رووووووووووعة
أم أيوب من فضلك حطيلي الوصفة بسرعة الوصفة من فضلك
أم أيوب كون ماتحطيهاش اليوم مارانيش رايحة نشوفها ، قوليلي برك ماهي أنواع الجبن اللي استعملت ؟ |
الله يسلمك الحبيبة غادي نحط الوصفة ما تخميش https://3andlib.xplainer.net/images/smilies/smile.gif
__________________________________________________ __________
>>>> الرد الرابع :
امممممممممممممممممم تشهي بصحتكم روعة
__________________________________________________ __________
