ما ينفع في هاذ البرد غير المردود
عنوان الموضوع : ما ينفع في هاذ البرد غير المردود
مقدم من طرف منتديات العندليب
https://im31.gulfup.com/Ss2v1.jpg
فيه بعض الاخوات كانو يحوسو على وصفة المردود او البركوكس اليوم راني جبتهالكم
ملاحظة فقط المردود رقيق شويا على البركوكس و يتفور كيما الطعام 3 مرات اما البركوكس غليظ شوي بعد ما يفور يترمى مع المرقة يطبخ
المقادير
قديد او لحم مشرح او اي نوع لحم
حمص مشمخ + عدس+ فول يابس
خضر مقطعة مربعات بصل +جزر+لفت+بطاطا+كابويا
قصبر +ثوم+البهارات + طماطم مصبرة
https://im35.gulfup.com/rGoS1.jpg
الطريقة
نضع اللحم و الزيت و البصل في الكوكوت على النار نقليهم و نضيفليهم الملح + الفلفل الاسود + راس الحانوت + ملعقة طماطم و نمرق بحوالي 2 لتر ماء نرمي الحبوب و نتركها طيب شويا تعرفو هي تاخذ الوقت اكثر من الخضر ثم نرمي الجزر و اللفت و البطاطا نخليهم يطيبو
https://im35.gulfup.com/UsUn2.jpg
من جهة اخرى نغسلو المردود كي يشرب شوي نفوروه و نعاودوه المرة الاولى بالماء ثم يفور مرة ثانية و نعاودوه بالملح و الماء ثم الفورة الثالثة يوجد فيها نديرولو شوي دهان نتاع عرب
https://im35.gulfup.com/KzBz3.jpg
https://www.gulfup.com/?uMyqk7
و نرجعو للمرقة نرميو الكابوية معاها الثوم محكوك + الكمون + القصبر و اللي يحب لحرور يدير
https://im35.gulfup.com/d2iE5.jpg
و نخلوها تعقد و تتجمر و نسقيو المردود .... و شهية طيبة
https://im35.gulfup.com/LnmL6.jpg
بالنسبة للي يحبوه بالكفتة يقومو اللحم المطحون مليح و يعملوه كويرات صغار نرمدوهم في الفرينة و نحمروهم في شوي زيت و نرميهم في المرقة في العشر دقائق الاخيرة و بالهنا و الشفا
https://im35.gulfup.com/aNkB7.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة
__________________________________________________ __________
>>>> الرد الثاني :
ya3tik essaha
__________________________________________________ __________
>>>> الرد الثالث :
مانحبووووش بصح من عندك ناكلو ههه يعطيك الصحة الحبيبة
__________________________________________________ __________
>>>> الرد الرابع :
يعطيك الصحة اختي
__________________________________________________ __________
>>>> الرد الخامس :
امممممممممممممممممممم نموت على البركوكش بالقديد سمرا مع وضع 3نقاط على السين هكا نسميوه
فعلا ماكانش اطيب منو في البردخاصة لما تثلج
باين حرة سمرا ربي بيبارك في صحتك ويعطيك ويغنيك
احنا في الاخير نديرولو حليب لحظة خاثر يجي اممممممممممممممممممم
