عنوان الموضوع : البوراك الليبي من المطبخ الجزائري +كوكا جديد*جديد طبخ جزائري
مقدم من طرف منتديات العندليب
دخلت للمطبخ الليبي ولقيت فيه خيرات وعجبتني هاذ الوصفة وطبقتها وخرجت هايلة قلت نفيد بيها اخواتي العزيزات https://3andlib.xplainer.net/images/smilies/wink.gif
المقادير الاصليةللوصفة/3كيسان ونصف فرينة و2 بياض بيض و2 مغارف سمنوملح وماء
المقادير لي درتهم */* 2كاس فرينة + مغرفة مارغرين طرية+ بياض بيض + ملح + ماء
نبل العجين تاعي عادي ونعجن انا استعملت العجانة لكنها ساهلة ونلفها في بلاستيك ونخليها تريح نصف ساعة
https://im31.gulfup.com/lKbEP.jpg
بعد ما ارتاحت العجيننقسمها الى 12 كويرة صغيرة
ونحط الكويرات في صينية فوق بلاستيك
https://im31.gulfup.com/Blqeb.jpg
ونغطيهم بمنشفة مبلولة ونعصرها ونخليهم يريح نصف ساعة
ومن بعد نحل كل قرصة بالنشاء ونحطهم مع بعض بين كل قرصة وقرصة نحط بلاستيك ونلمهم بمنشفة
https://im31.gulfup.com/7u6Yr.jpg
ونخليها ترتاح ساعة كاملة ومن بعد نقلب القرصة ونبدا باول وحدة لانها ارتاحت اكثر وراح يسهل العمل بيها
وين تهزيها بيدك راح تتحل ونزيد نحلها بيدي ساهلةوالا معاك بنتك مثلا تحلوها مع بعض تكون اسهل
انا وحدي استعملت هاذ الطريقة جاتني ساهلة ماهلةوعاونتني ياسر
https://im31.gulfup.com/FmR30.jpg
نحط القرصة لي حليتها فوق طاولة مدهونة بالزيت ونزيد الثانية بنفس الطريقة تكون الاولى نشفت لازم نخليها تنشف
وندهنهابالزيت ونحط فوقها الثانية ونزيد بنفس الطريقة الثالثة يعني 3كور نحلهم ونحطهم فوق بعض وندهن بينهم بالزيت
نقص الحواشي ونتحصل على مستطيل انا حتى الحواشي شكلتهم ما رميتهمش
نقص شرائط ونحط ملعقة من الحشوونلفها على شكل مثلث
انا درت الحشو تاع الكوكا وتقدري ديري اي حشو تحبي لكن لازم يكون ناشف
https://im31.gulfup.com/vXA9E.jpg
وندهنها بالبيض ونحطها طيب على نار هادئة
والنتيجة روعة عجينة مورقة وهشة جدا جدا والله روعة وخفيفة
https://im31.gulfup.com/sJZOf.jpg
الان جاء دوري باش نبدل في الوصفة https://3andlib.xplainer.net/images/...s/rolleyes.gif بالطريقة لي تريحني وتخرج عليا https://3andlib.xplainer.net/images/smilies/wink.gif
انا استعملت غير 3 كور وطيحتلي 12 حبة يعني تجي زاكية لكن بصراحة الطريقة متعبة شوي
فكرت اني نعمل منها كوكا ههههههههههلازم نبدل ونخترع من الوصفات
ال9 كور لي بقاو حليتهم بالنشاء على طريقة الشاف ام كوثر طبعا في لابات فيلو
نعمل بين كل قرصة واخرى النشاء ونحلهم مع بعضهم وكانت طريقة اسهل وبصراحة حتى العجين روعة
و يساعد في العمل
https://im31.gulfup.com/V9AUB.jpg
وزدت حليتهم مليح بمساعدة العصا
وقصيتهم شرائط ووكل شريط ندهن بالزبدة ونطبق حتى نتحصل على مستطيل صغير نحط ملعقة من الحشو
وندهن الحاشية بالبيض ونغلق الحبة
https://im31.gulfup.com/RvRkD.jpg
https://im31.gulfup.com/iDh3m.jpg
وندهنهم باليض +شوي خل + شوي حليب ونحطهم يطيب
https://im38.gulfup.com/XAtc0.jpg
وهاذي صورة جماعية
https://im38.gulfup.com/ZArld.jpg
نتمنى يعجبكم الموضوع وكلمة شكرا تكفيني تحياتي للجميع
والف شكر لاختي بريق الامل لي ساعدتني في تعديل الصور ربي ينولك لي في بالك ان شاء الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
راااااااااائعة ام ساجد يا ام الافكار يعطيك الصحة
__________________________________________________ __________
>>>> الرد الثاني :
اممم مورقة روعة
شكرا لك اختي على الوصفة اللذيذة
و شكر اخر على المجهود المبذول في التصوير و رفع الصور
لتسهيل الشرح لنا
__________________________________________________ __________
>>>> الرد الثالث :
ماشاءالله ام ساجد افكار رائعة يعطيك الصحة
__________________________________________________ __________
>>>> الرد الرابع :
يعييييني تبان عجينة مورقة ربي يحفظك
__________________________________________________ __________
>>>> الرد الخامس :
هايلة أم ساجد
