دجاج الاعراس.. طريقة طيابة فالاعراس المطبخ الجزائري
عنوان الموضوع : دجاج الاعراس.. طريقة طيابة فالاعراس المطبخ الجزائري
مقدم من طرف منتديات العندليب
سلام جبت لكم اليوم طريقة صهي دجاج الاعراس طريقة خديتها من واحد طيابة كنعرفها جربوها وردو علي...
نبداو بسم الله...
هاد المقادير ديال 4 دجاجات...
بعدما تغسل دجاجات مزيان بلملحة والحامض خليوهم ليله كاملة فتلاجة حتى لغد ليه عاد غسلوهوم من الملحة والحامض باش مايبقاوش زفرين...من بعد ماتغسلوهوم مزيان ويستقطر ماهوم (الماء)... فإناء ديروا 8 تومات مح****ن + 10 قزبر ومعدنوس مكرضين (مفرومين) مزيان + حامضة مرقده كبيرة مطحونه فطحانه من بعد ما تحيدو ليها العضومة+ملعقة متوسطه ديال سمن+معلقه متوسطه سكنجبير+معلقه متوسطه زعفران حر+ ملعقه صغيره ابزار+شويه بسيبيسه وقعقله +ساشي واحد خرقوم عادي+نصف كاس زيت بلديه تكون خفيفه+ونص كاس زيت روميه...ثم زيدوا على هادشي الماء المقدار ليغطيب فيه هاد 4 دجاجات...ثم حركوا الخليط وبداو تشرملوا دجاجات فحالي كتغسلوا لشي وليد صغير يالاه تزاد شرملهوم مزيان خاصه ما بين جلد و اللحم ودخلوا الماء ديال شرمولة وسط دجاجات وعاود سكبوه في الاناء فحالي كتعمروا شي غراف بالماء وتعاودو تخويوه حتى يتشرمل مزيان ثم خليوهم يتشربها شويه مده 1 ساعة على الاقل والماء ليشرملت فيه دجاجات سكبوه فطنجره ليغطيبوا فيها الدجاجات ثم حطوا الدجاجت على صدرهوم وخاص الماء يكون مغطي ضهر الدجاج الى كان ناقص زيدو الماء ثم نتركوهوم يطيبوا لمدة 25حتى30 دقيقه شدو سفود ودخلوه فضهر دجاجات الى خرج منو الماء راه مازال خاسو يطيب شويه ويلا مخرجش راه طاب حيدوه من طنجره غي بشويه باش مايتقسمش وحطوه على جنب... لطنجره زيدوا 1كيلو ونص ديال البصل مقطع مكعبات صغيره بحجم اللوزه وقشاوش الدجاج الا الكبده خليوها حتى يقرب يختر المرق من بعد مايختر المرق ويطيب البصل نطفيو على الطنجره وندهن الدجاج بالزبده او السمن وضروري ندهنوه وهو بارد باش مايتقسمش لينا وندخلوه الفران يتحمر...من بعد ما يتحمر الدجاج نحطوه فطبق التقديم على الجنب ثم نسقيهوم بالمرق غي شويه ديال المرق و قشاوش ديال الدجاج وزينه بقطع ديال الحامض مرقد مقطعه شرائح طويله والزيتون وبصحه وراحه نتمنى ينال اعجابكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة نجربوها ان شاله في العرس الجاي
__________________________________________________ __________
>>>> الرد الثاني :
مشكورة اختي
__________________________________________________ __________
>>>> الرد الثالث :
يعيشك اختي باينة بنينة شكرااااااااااااااااااااااااااااااا
__________________________________________________ __________
>>>> الرد الرابع :
merci hanouna
__________________________________________________ __________
>>>> الرد الخامس :
بارك الله فيك تحية لكل اشقائنا في المغرب
وعيدهم سعيد
