غراتان بنييييييييييييييييييييين من مطبخي طريقة جزائرية
عنوان الموضوع : غراتان بنييييييييييييييييييييين من مطبخي طريقة جزائرية
مقدم من طرف منتديات العندليب
البارح فالعشا درتلهم الغراتان هدا وبابا كلا وعاود قلت نجيبهولكم تجربوه
في كوكوط تحطي طراف اللحم تاوعك + بصل رابي + توم رابي+زيت+ملح+فلفل أكحل و 2 مغراف كبار طماطم
تقليهم مايح ومبعد تمرقي وتخلي اللحم تطيب بشرط ماتخليهاش مايهة فالأخير تكون خاترة شوي
تقلي البطاطا دوائر و تفرشيها في صينية الفرن وتجيبي الجلبانة تاع لي بوات وتتزيديها فوق البطاطا ومبعد تقطعي الطماطم دوائر تملحيها وديريلها شوي توم وفلفل أكحل وتقليها قي شوية زيت بلا ما تطيحلك وترصيها من فوق و أخيرا تحطي الطراف تاع اللحم و تمرقي مليح بالصوص وتدخليها للفرن حتى تتشرب مليح وتحمار لديدة جدا
https://im20.gulfup.com/2016-09-17/1347898734341.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحه تبان تشهي نجربها في القريب العاجل
الجلبانه نديرها بلا طياب او نطيبها
__________________________________________________ __________
>>>> الرد الثاني :
بارك الله فيك
__________________________________________________ __________
>>>> الرد الثالث :
تشهي يعطيك الصحة
__________________________________________________ __________
>>>> الرد الرابع :
يعطيك الصحة
شكرا لك
__________________________________________________ __________
>>>> الرد الخامس :
ختي الجلبانة انا استعملت conservé يعني ماتحتاجيش تطيبيها لانها طايبة
