صوص تومات بقشور الطماطم لاحد العضوات طريقة جزائرية
عنوان الموضوع : صوص تومات بقشور الطماطم لاحد العضوات طريقة جزائرية
مقدم من طرف منتديات العندليب
يا اخواتي كاين احدى العضوات اعطتنا فكرة اقتصادية هااااااايلة بقشور الطماطم بصح نسيت اسمها مشكورة
وهي انك كي تربي الطماطم باه طيبي بيها القشور هاذيك تاع الطماطم ماترميهاش لميها وحطيها في المجمد وفي كل مرة طيبي خبيها حتى تكون عندك كمية كبيرة انا نسيت قدقدج واش قالت
بصح انا واش درت حطيت القشور في كسرونة ودرت عليها شوية ما وخليتها طبخت شوية حتى ينشف الما يبقى كمية قليلة جدا
تحطيها في مولينات اي الرحاية تاع الخضرة اليدوية وتشوفو النتيجة يهبط صوص تومات هااااايل انا حرت منين جا تقدري ديريه في البيتزا او اي حاجة
ام ظافر قالتلها منين راح يخرج الصوص وهي مربية راهي قشرة برك قالتلها صاحبة الوصفة جربي وتشوفي
وبالفعل نتيجة رائعة
الان وداااااااااااااعا لرمي قشور الطماطم
اللي تجرب الوصفة وتنجحلها تخبرنا وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
واش 19 مشاهدة ولا رد واحد ماكمش مصدقين حتى ماكنتش مصدقة حتى جربتها اليوم خرجت كمية لاباس بيها من لاصوص
__________________________________________________ __________
>>>> الرد الثاني :
شكرا لك ولصاحبة الوصفة ومن اليوم مانرميش القشور ونجربها
__________________________________________________ __________
>>>> الرد الثالث :
ساجربهااااا بادن الله
__________________________________________________ __________
>>>> الرد الرابع :
هذه فكرة مليحة لقشور الطماطم نجربها ونقولك
__________________________________________________ __________
>>>> الرد الخامس :
شكرا على المرور درك درت العشا وماكانش عندي طماطم حب طيبت بيها واش راح نقلك
