عنوان الموضوع : جواز خفيف وبنين
مقدم من طرف منتديات العندليب
السلام عليكم اليوم درت جواز هايل خفيف وبنين وحبيت نشارككم الوصفة والتجربة
جبت ربع حبات بصل قليتهم ف شوية زيت بعدما تبلتهم بالملح والفلفل الاكحل وراس الحانوت
وجبت ربع حبات طماطم قطعتلهم دوائر ونحيتلهم الزريعة وقليتهم ف شوية زيت مع خمس سنينات ثوم ودرتلها الملح والفلفل الاكحل وراش الحانوت
حكمت كيلو بطاطا تقريبا قطعتها دوائر ودرتلها الزيت والملح والفلفل الاكحل وراس الحانوت وحطيتها ف مول تاع الفور ودرتلها البصل والطماطم ومقدار زوج كيسان تاع الما وحطيتها ف الفور تطيب بعقلها
للاسف صورتها بصح انا عضوة جديدة وقالولي لازم تلاتين مشاركة باش تقدري تحطي صور
كنت نتمنى تشوفو كيفاش خرجت والله غير هايلة وبنينة بزاف واقتصادية تاني وتوالم كامل العائلات
بصحتكم حبيباتي
متنساونيش من دعواتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا لك كيتوصلي ل 30مشاركة ديرينا تعديل و اضيفي الصور
__________________________________________________ __________
>>>> الرد الثاني :
شكرا اختي لكن كي حطيتيهم في الفرن ماضفتي ولا شئ , مثل فرماج أو بيض
شوقتني نشوفها
__________________________________________________ __________
>>>> الرد الثالث :
تبااااان هايلة وسااااهلة
__________________________________________________ __________
>>>> الرد الرابع :
المشاركة الأصلية كتبت بواسطة bouchra ahlam26 https://3andlib.xplainer.net/images/...s/viewpost.gif
شكرا لك كيتوصلي ل 30مشاركة ديرينا تعديل و اضيفي الصور
الله يسلمك وان شاء الله اختي رايحة اندير تعديل وانضيف الصور على الرحب والسعة
__________________________________________________ __________
>>>> الرد الخامس :
المشاركة الأصلية كتبت بواسطة cuisineshowdalatifa https://3andlib.xplainer.net/images/...s/viewpost.gif
شكرا اختي لكن كي حطيتيهم في الفرن ماضفتي ولا شئ , مثل فرماج أو بيض
شوقتني نشوفها
الله يسلمك حبيبتي بصح لالا مضفتلهاش والو خليتو هكداك بصح اللي حبت اتزيد اضافات اكيد راح يجي بنين
