المحجوبة البسكرية روووووووعة°°°°بالصور°°°° المطبخ الجزائري
عنوان الموضوع : المحجوبة البسكرية روووووووعة°°°°بالصور°°°° المطبخ الجزائري
مقدم من طرف منتديات العندليب
إليكن حبيباتي المحجوبة البسكرية من إعدادي و تطبيقي و بالصور من كوزينتي ما نطولش عليكم
بسم الله على الله توكلنا
المقادير:
للعجينة: 2 كيلو دقيق (سميد) العادي -ملح و ماء للعجن
الحشو: بصلة كبيرة-2سنينات ثوم-2حبات طماطم كبار-2 رؤوس فلفل أخضر حار (حسب الرغبة)-ملح-زيت - كسبرة خضرا-2ملاعق أكل طماطم مصبرة
للعلم هي تجي فيها راس الحانوت حوالي ملعقة متوسطة لكن أنا نحبها بدون توابل
التحضير:
بالنسبة للعجين خلطي الدقيق و الملح مع الماء تكون عجينة طرية و اتركيها مغطاة بكيس بلاستيكي مدة نصف ساعة باش تساعدك في العجن بعد ما تمر النصف ساعة اعجنيها جيدا بلا ما ترشيها حوالي 5د ثم بللي بالشوية و اعجني جيدا حتى تحصلي على عجينة طرية و ملمسها ناعم
لوزيها أي اعملي منها كريات وضعيهم في صينية مدهونة بالزيت مع دهن كل كرية بالزيت غطيها ببلاستيك جيدا
يجب ألا يلامسها الهواء باش ما تعملكش قشرة ناشفة. دعيها مدة نصف ساعة أخرى باش تتحط أي تصبح مطواعة للتقراص
في تلك الأثناء حضري الحشو
ارحي البصل خشن و الثوم رقيق وضعيهم في مقلاة على النار مع 4 ملاعق أكل زيت يتقلاو حتان يذبل البصل
من جهة أخرى ارحي الطماطم خشنة و قصي الكسبرة رقيقة ضفي الهريسة و الطماطم المصبرة و الفلفل بعج ما تكوني دقيتيه في مهراس مع شوية ملح ثم ضفي البصل و الثوم إلى الخليط و حركي
بإمكانك لإضفاء نكهة مميزة و بنينة إضافة حبة جزر مبشورة ما راحش تحسي بطعمها لكن واح تبنن المحجوبة
أما طريقة تحضير المحاجب فأتركك مع الصور بشكلين للمحجوبة
[IMG]https://im.gulfup.com/2016-06-12/130790479131.jpg[/IMG]
[IMG]https://im.gulfup.com/2016-06-12/1307904791402.jpg[/IMG]
[IMG]https://im.gulfup.com/2016-06-12/1307904791103.jpg[/IMG]
[IMG]https://im.gulfup.com/2016-06-12/1307904792134.jpg[/IMG]
[IMG]https://im.gulfup.com/2016-06-12/130790479275.jpg[/IMG]
[IMG]https://im.gulfup.com/2016-06-12/1307904792616.jpg[/IMG]
[IMG]https://im.gulfup.com/2016-06-12/130790479398.jpg[/IMG]
[IMG]https://im.gulfup.com/2016-06-12/1307904793129.jpg[/IMG]
[IMG]https://im.gulfup.com/2016-06-12/13079047934110.jpg[/IMG]
[IMG]https://im4.gulfup.com/2016-06-12/1307904573461.jpg[/IMG]
[IMG]https://im4.gulfup.com/2016-06-12/1307904574502.jpg[/IMG]
[IMG]https://im4.gulfup.com/2016-06-12/1307904574534.jpg[/IMG]
الشكل الثاني
[IMG]https://im4.gulfup.com/2016-06-12/1307904574983.jpg[/IMG]
[IMG]https://im4.gulfup.com/2016-06-12/1307904575696.jpg[/IMG]
[IMG]https://im4.gulfup.com/2016-06-12/1307904575287.jpg[/IMG]
[IMG]https://im4.gulfup.com/2016-06-12/1307904575688.jpg[/IMG]
[IMG]https://im4.gulfup.com/2016-06-12/1307904576229.jpg[/IMG]
ما دوزيتهاش لأنو كاين في الدار اللي ما يحبهاش مدوزيا
شرح هذا الشكل في المشاركة التالية تابعوني............
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
طبخ المحجوبة لازم يكون على نار هادئة
شرح الشكل الثاني
بالنسبة للشكل الثاني تحلي كرية على يدك أو بأي طريقة المهم تكون رقيقة ترشي الطاوة بالزيت و تحطيها مدورة و تزيدي ترشيها بالزيت ما إن يتبدل لون العجين اقلبيها و ادهنيها بالحشو كما في الصورة أعلى
ثم حلي كرية أخرى و ضعيها فوق الأولى و رشي بالزيت و اقلبي ثم ادهني السطح مرة أخرى بالحشو و ضعي عليه كرية أخرى و اقلبي و هكدا جواليك حتى تحصلي على طبقات من العجين و الحشو
هذا شكلها بعد ما تتقص
[IMG]https://im.gulfup.com/2011-06-12/1307906440361.jpg[/IMG]
__________________________________________________ __________
>>>> الرد الثاني :
ما شاء الله و الله يبارك يا ام اياد
يعطيك الصحة هذه المحجوبة البسكرية تاع الصح يخصها راس الحانوت و كسبر مرحي و اللي يحب يزيد قنطس مرحي
القرصة الثانية ناقصة شوية دواء ، انا نحبها محشية ياسر بالدواء تاع البصلة. لكن كاين اللي ما يحبوش ياسر البصلة
بارك الله فيك على المجهود
__________________________________________________ __________
>>>> الرد الثالث :
المشاركة الأصلية كتبت بواسطة remadna https://3andlib.xplainer.net/images/...s/viewpost.gif
ما شاء الله و الله يبارك يا ام اياد
يعطيك الصحة هذه المحجوبة البسكرية تاع الصح يخصها راس الحانوت و كسبر مرحي و اللي يحب يزيد قنطس مرحي
القرصة الثانية ناقصة شوية دواء ، انا نحبها محشية ياسر بالدواء تاع البصلة. لكن كاين اللي ما يحبوش ياسر البصلة
بارك الله فيك على المجهود |
هي المحجوبة البسكرية صح فيها التوابل اللي قلتي عليهم بصح أنا اكتشفت بمحض الصدفة إتها تجي أبن بلا توابل على هذي أصبحت ما نديرش فيها التوابل و بالتأكيد كل واحد و ذوقو
أما الدوا زوجي ما يحبهاش محشية و أنا والفت عليه ههههههه
شكرا لك أختي رماضنة على المرور الكريم نورت صفحتي و الله
__________________________________________________ __________
>>>> الرد الرابع :
ما عجبتكمش محجوبتي
__________________________________________________ __________
>>>> الرد الخامس :
ممممم روعه تسلم ايدك ام اياد احمد امين يعطيك الصحة
