مطلوع الغرب الجزائري طريقة جزائرية
عنوان الموضوع : مطلوع الغرب الجزائري طريقة جزائرية
مقدم من طرف منتديات العندليب
السّلام عليكم ورحمة الله وبركاته
كلنّا لايستغني عن الخبز ،وخاصة خبز الدّار
والمطلوع فيه أنواع كثيرة وهذا نوع من أنواع مطلوع الغرب الجزائري
المقادير :
يعني صراحة أنا عيني ميزاني
خذي 2كيلو فرينة ورطل سميد رقيق يعني الدّقيق واذا كان عندك دقيق القمح أحسن
4ملاعق صغار خمارة الخبز واذا كانت عندك الخميرة الطّبيعية عملي حفنة
ملح حسب الّذوق
أنا طريقتي أضع الماء الدّافئ أولاّ ونذوّب فيه الملح ونضيف الخماّرة والفرينة والدقيق نخلّط جيّدا ونخليّه يتشرّب ويرتاح مدة15د
من بعد نشمخ يديّ بالماء وندلكو شوية 5د ونخلّيه يرتاح 10د من بعد نطّلقو يعني ندلك بشوي ونضيف الماء ونلطخو مليح ونخليه يشرب الماء ونعاود نفس الطّريقة للمرّة الثانية
لازم يكون مرخوف بزّاف ونخليوه يخمر ...ومين يطلع مليح نقطعوه خبيزات صغار نوضعوهم في الدقيق ونخليوهم يخمروا ثاني 15د نسخنوا الفرن مليح وطواجن وهو يطيب على ثلاث مراحل أولا نضع الخبزة في الطّجين سخون وبمجرد ماتشد روحها ندخهلوها للكوشة سخونة ونارها تكون قوية ...باه الخبزة نتاعنا نتجي خفيفة وبها فراغات من الداخل ..ومن بعد نطلعوها الفوق باه تتحمرّ ...وأنا نخدم باثنين طواجن وبسرعة نكمل لخبيز ......
أتمنّى أن تكنّ قد فهمتّن الطّريقة الموضّحة بالصّور .
تحيّاتي حبيباتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماشاء الله باين خفييييف يعطيك الصحه وشكرا
__________________________________________________ __________
>>>> الرد الثاني :
باين خفيف شكرا لكي
__________________________________________________ __________
>>>> الرد الثالث :
اممممممممممممممم يعطيك الصحة خرج هايل شكرا على الوصفه
__________________________________________________ __________
>>>> الرد الرابع :
يعطيك الصحة بصح بزاف تطيبيه على زوج قادرة ديريه مباشرة في الفرن ويجيك شباب
__________________________________________________ __________
>>>> الرد الخامس :
رووووعة وجديد مختلف على مطاوع لي عندنا في سطيف
تنحيه من الطاجين باه يكمل الطياب
