عزومتي المتواضعة لصديقاتي طريقة جزائرية
عنوان الموضوع : عزومتي المتواضعة لصديقاتي طريقة جزائرية
مقدم من طرف منتديات العندليب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ماشاء الله عرضة وعليها الكلام كلشي متول بالطبع ربي ادمها نعمة و احفظها من الزوال اعطيني طريقتك في التليتلي و تتبيلة الدجاج و مشكورة مسبقا و بصحتكم
__________________________________________________ __________
>>>> الرد الثاني :
__________________________________________________ __________
>>>> الرد الثالث :
بصحتهم ابنو بنان mmmm....عرض مليحة وعليها لكلام
__________________________________________________ __________
>>>> الرد الرابع :
هلا اختي نورتي موضوعي بردك صحيح كل شيء من الله علينا فالحمد لله الذي رزقنيه من غير حول لي و لا قوة
فيما يخص تتبيلة الدجاج نرابي بصلة صغيرة مع راس ثوم و حبة صغيرة طماطم ثم نضيف ملح فلفل اسود كمون الرند مقطع قطع صغيرة و ليمون نقشر نصف حبة و نقصها مربعات ندهن الدجاجة مليح من الداخل بهاد التتبيلة و كذلك جهة الفخاد و تحاولي تمشيه بين الصدر و الجلد باه يتنكه مليح و نخليها تبات و غدوة ندهنها بالزبدة و نرش ملح و فلفل اسود و نحطها تتحمر
اما التليتلي نطيب مرق عادي (بصل توم ملح فلفل اسود زيت دجاج او لحم او الاثنان حمص مشمخ) نقلي مليح و نمرق و كي يطيب اللحم نضيف طماطم مصبرة
و التليتلي ندهنو بالزيت و نحطو يفور مليح ثم ننزعو و هو في الكسكاس نصب عليه ماء بارد و بغزارة و نحلو بين يدي ثم ننشرو في قصعة او بلاطو و خليه يشيح ثم نعاود ندهنو بالزيت و نحطو يفور مليح ثم ننزعو و نحلو بين يدي لكن دون اضافات نخليه يبرد تماما ثم نرجعو يفور للمرة الثالثة مليح ثم تطيبيه فيالمرق مع اضافة الزبدة و شهية طيبة
نتمنى اني قدرت نشرحلك كيما راكي حابة و دائما في الخدمة
__________________________________________________ __________
>>>> الرد الخامس :
بصحتهم صديقاتك يعطيك الصحة
