عنوان الموضوع : افخاذ الدجاج في الفرن بطريقة سريعة و اقتصادية المطبخ الجزائري
مقدم من طرف منتديات العندليب
السلام عليكم و رحمة الله و بركاته
عندي مدة و انا حابة نحط اطباق حضرتها و لكن المشكل لي عند اي مراة خدامة نهار كامل هو الوقت ااااااااااااااااااااه من الوقت على هادي ديما نحوسو على اطباق سهلة و سريعة و بطبيعة الحال بنيييييييينة امممممممم
مالا اليوم كي رقدت بنتي https://yoursmiles.org/ksmile/giant/k28017.gifقلت و الله ما ني راقدة حتى نحط الموضوع ههههه
انا ديما اليوم لي يشري فيه زوجي الجاج كي نقيها و نظفها ندير الخلطة هادي و نحط فيها لي كويس يباتو ليلة كاملة و الخلطة مكونة من ياؤرت طبيعي و الا عندك موتارد احسن انا ماكانش عندي استعملت الياؤرت طبيعي مع عصرة ليمون و فصوص تاع ثوم و معدنوس و توابل لي هوما ملح و فلفل اسود و زنجبيل و راس الحانوت رحيتهم في الرحاية تاع البصل مع القليل القليل من الماء حطيت الخلطة في ساشي تاع الشواء و الى الثلاجة لمدة لا تقل عن 3 ساعات انا عادة نخليها ليلة كاملة و لغدوا نجبدها نحطها في صحن تاع الفور مع دي نوازات تاع الزبدة و شوية معدنوس و نغطيها بالالمنيوم و نحطها تطيب و من بعد الطياب نحي الالمنيوم و نخلي لي كويس يحمارو و نقدمها سواء مع خضرة مفورة سوتي و لا بطاطا مقلية مع صوص الثوم انا درتها مع البطاطا و صوص الثوم لي بربي انشاء الله نحطلكم الوصفة تاعها قريبا
نترككم مع الصور و بالنسبة النهائية ما كملتش التقديم خاطر زوجي ما صبرش https://yoursmiles.org/ksmile/giant/k28013.gif
https://im36.gulfup.com/ojSlc.jpg
https://im36.gulfup.com/P8KAf.jpg
https://im36.gulfup.com/kPaVT.jpg
https://im36.gulfup.com/4wkls.jpg
https://im36.gulfup.com/IdGQi.jpg
https://im36.gulfup.com/pglVd.jpg
https://im36.gulfup.com/NRyby.jpg
انشاء الله ينال اعجابكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مليييييييييييحة
__________________________________________________ __________
>>>> الرد الثاني :
رووووووعة يعطيك الصحة
__________________________________________________ __________
>>>> الرد الثالث :
شكرا على الوصفة اللذيذة
__________________________________________________ __________
>>>> الرد الرابع :
بارك الله فيك
__________________________________________________ __________
>>>> الرد الخامس :
مممم يشهي يعطيك الصحة
