مرقة زيتون بالدجاج طريقة جزائرية

عنوان الموضوع : مرقة زيتون بالدجاج طريقة جزائرية
مقدم من طرف منتديات العندليب

https://up.djelfa.info/uploads/13466273241.gif
جبتلكم اليوم مرقة زيتون او كيما تقولو طاجين الزيتون بالدجاج بطريقة جديدة او بالاحري اتمني تكون جديدة
المقادير
4اطراف صدر دجاج
500غ زيتون اخضر
بيضة او 02
شابلوغ
معدنوس
02بصلة
توم و فلفل اسود و البهارات
كريمة طازجة
جبن (استعملت تاع الميزان ب 50دج)
ملعقة موطارد
زيت للقلي
الطريقة
تخدمي مرقة زيتون كيما موالفة عادي يعني تقلي البصلة والتوم و التوابل مليح و معاها اطراف الدجاج و في دلك الوقت تغلي الزيتون 02 او 03مرات باه تروح لملوحة تاعوو تمرقي و تخليه حتي يختار شوية برك مش ياسر
وهدا شكله
https://im31.gulfup.com/frVgR.jpg

لما يطيب الدجاج ننزعه من مرقة الزيتون ونرحيه مع البصل و التوم و التوابل و المعدنوس و ملعقة موطارد
https://im31.gulfup.com/HF2e3.jpg

ونضيفو بيضة او اتنين و تزيدي شابلوغ ولكن لازم تبقي طرية مش تزيدي الشابلوغ ياسر حتي تيبس تم نكورها و نحشيها بالجبن
https://im31.gulfup.com/d1tBe.jpg

https://im31.gulfup.com/e8Rqm.jpg

https://im31.gulfup.com/o63m9.jpg

https://im31.gulfup.com/jCI4b.jpg

تشوفو بلي درتهم كبار شوية باه نكمل ليه ليه ههههههه
الوصفة الاصلية لازم يكونو صغار شوية
وكيما تكملو كامل الكمية تاع الدجاج نقليوه في الزيت حتي تحمار شوية
للاسف مصورتش كامل المراحل باسكو كنت مزروبة درت العشاء و هدا الغداء تاع اليوم درت البارح ماما مكانشوانا خدامة الله يبارك علي فحلة ههههه حوحو يشرك في روحو
المهم لما تكملو تقليوهم كامل تحطو هديك المرقة علي النار لما تغلي تحطي الكريمة الطازجة و الدجاج المقلي 10 او 15د فقط
وهدا شكلها
https://im31.gulfup.com/1Jr3z.jpg

https://im31.gulfup.com/zwAno.jpg

مع شوية معدنوس من لفوق و عصرة قلرص ياعيييييني تهبل
ملاحظة
تقدري هداك الدجاج لما تقليه متزيديش تطيبيه في مرقة الدجاج
بالصحة والراحة
نتمني تجربوه





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شهيةةةةةةةةةةة جدا شكرا على الوصفة

__________________________________________________ __________

>>>> الرد الثاني :

بارك الله فيك وبصحتكم

__________________________________________________ __________

>>>> الرد الثالث :

المشاركة الأصلية كتبت بواسطة كوثر 20 https://3andlib.xplainer.net/images/...s/viewpost.gif شهيةةةةةةةةةةة جدا شكرا على الوصفة

العفو اختييييييييييييي
شكرا لمرورك

__________________________________________________ __________

>>>> الرد الرابع :

المشاركة الأصلية كتبت بواسطة كلمات مبعثرة https://3andlib.xplainer.net/images/...s/viewpost.gif بارك الله فيك وبصحتكم

يبارك فيك حنونة يعيشك

__________________________________________________ __________

>>>> الرد الخامس :

مشكورة ربي يجازيك حبيبتي