المطلوعة المورقة مدهونة وسخونة

عنوان الموضوع : المطلوعة المورقة مدهونة وسخونة
مقدم من طرف منتديات العندليب

السلام عليكم اخواتي
اليوم جبتلكم المطلوعة المورقة او المدهونة كيما نسموها في الاوراس وهي لذيذة جدا تناسب الشوربات يعني في مكان المطلوع العادي وتناسب اللبن خاصة كي تعود سخونة يا سلام على البنة
بدون اطالة هيا مع طريقة التحضير
تعجنو العجين عادي الطريقة تاعي سميد نوعية جيدة + شوي فرينة +ملح+خميرة+شوية سكر باش يسرع مفعول الخميرة ونبلها بالماء ونعجن مليح وندلك نحطها تخمر كي يتضاعف حجمها نعاود ندلكها بقطعة مرقرين وندخلها فيها ما صورتش هاذ المرحلة
نقسم العجينة الى قرصات نخلوهم يرتاحو شوي ونقرصهم وندهن القرصة بشوي مرقرين بحيث تتغطى كامل

https://www.up.djelfa.info/uploads/139256070766381.jpghttps://www.up.djelfa.info/uploads/139256084693481.jpg
ونرولي حربوش ونقفل مليح باش ما تخرجش المرقرين
https://www.up.djelfa.info/uploads/139256103487851.jpg
https://www.up.djelfa.info/uploads/139256188183571.jpg
https://www.up.djelfa.info/uploads/139256106621851.jpg
نعاود نلمها على شكل قرصة بالضغط على الجوانب والتكوير كيما وضحت بالاسهم حتان نتحصلو على قرصة
https://www.up.djelfa.info/uploads/139256135584981.jpg
https://www.up.djelfa.info/uploads/139256138444541.jpg
نخليها ترتاح 3دقايق ونعاود نقرصها شوفو كيفاه ريحت باش تعطيلنا الطوع نعاودو نحلوها https://www.up.djelfa.info/uploads/139256195457341.jpg
وندهنها بالمرقرين ونروليها حربوش ونقفلو مليح ونعاود نضغط على الجوانب ونشكل قرصة يعني راني عاودت المرحلة السابقة نخلوها ترتاح 3دقايق ونعاود نفس الخطوات السابقة الموضحة بالصور
يتسمى دهنتها 3مرات نخلي القرصة ترتاح 3 دقايق ونحلها او نقرصها نخليها تخمر نسيت نصور هاذ المرحلة
ونطيبها وهاهي واجدة تجي بنينة على المطلوع العادي
https://www.up.djelfa.info/uploads/139256218406331.jpg
ان شاء الله شرحي مفهوم انتظر ردودكن
اذا عجبتكم دعوة خير تكفيني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممم مطلوع جديد. الله يخليك اختي وَبَارِكْ الله فيك لوكان. فتحتي الطلوعه نشوفوه. من الداخل والمهم شكرًا

__________________________________________________ __________

>>>> الرد الثاني :

يبان خفيف يعطيك الصحة

__________________________________________________ __________

>>>> الرد الثالث :

تبارك الله عليك....تبان تشهي راح نديرها في اقرب وقت باذن الله

__________________________________________________ __________

>>>> الرد الرابع :

المشاركة الأصلية كتبت بواسطة أم إناس https://3andlib.xplainer.net/images/...s/viewpost.gif امممممممم مطلوع جديد. الله يخليك اختي وَبَارِكْ الله فيك لوكان. فتحتي الطلوعه نشوفوه. من الداخل والمهم شكرًا

شكرا ليك اختي على المرور نسيت ما صورتهاش خاطر ديما مزروبة هههههههه
المهم تجي من داخل طبقات طبقات


__________________________________________________ __________

>>>> الرد الخامس :

المشاركة الأصلية كتبت بواسطة أم لجين هيثم https://3andlib.xplainer.net/images/...s/viewpost.gif يبان خفيف يعطيك الصحة

الله يسلمك فعلا خفيف وبنييين

المشاركة الأصلية كتبت بواسطة ام منيب https://3andlib.xplainer.net/images/...s/viewpost.gif تبارك الله عليك....تبان تشهي راح نديرها في اقرب وقت باذن الله

يالله يام منيب نعرفك شاطرة نستنى تطبيقك في اقرب وقت