ساعدوني في عجينه البيتزا الحقيقية طبخ جزائري
عنوان الموضوع : ساعدوني في عجينه البيتزا الحقيقية طبخ جزائري
مقدم من طرف منتديات العندليب
السلام عليكم حنوناااتي ارجوووكم سااعدوني في عجينه البيتزا اعطاووني بزاف وصفات بصح ما جاتنيش كما اللي نشرووها ياعدوني و جزاكم الله خيرااhttps://3andlib.xplainer.net/images/smilies/sdf.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
و عليكم السلام
هذه الوصفة اللي معتمدتها و تجي فوووووور
هذة المقادير لكيلو فرينة
كاس زيت+ كاس+ حليب كاس ماء (الحليب و الماء يكونوا دافيين) + 2بيض و 2مغارف كبار خميرة خبز +2مغارف ك سكر + الملح .
نخلط جميع المقادير مع بعض ونلم بالفرينة حتى نتحصل على عجينة معتدلة لاطرية بزاف ولا يابسة ونخليها تختمر .
جربيها و ردي ليا الخبر .
__________________________________________________ __________
>>>> الرد الثاني :
حبيبتي العفسة نتاع البيتزا ماشي فقط في العجينة ، صح لازم العجينة تكون مليحة لكن الاهم هو الطياب نتاعها
من كثرة ماحطو الأخوا وصفات للبيتزا ماحبيتش نزيد نحطلكم موضوع عليها بصح من كثرة مانشوف مواضيع كيما هذا صور المراحل والنصائح وكلش باش تفهمو مليح كيفاش ديرو بيتزا كيما اللي تتباع في المحلات .
أنا أول مادخلت للمنتدى كان عندي نفس المشكل والحمد لله مع مساعدة الأخوات وكثرة التجارب والإصرار باش نلقى الوصفة وبتوفيق من الله عز وجل الحمد لله البيتزا نتاعي أصبحت أحسن من نتاع المطاعم ماشي غير أنا بزاف أخوات استفادو
شوفي:
https://im63.gulfup.com/LtqbH.jpg
https://im90.gulfup.com/oM9Wd.jpg
https://im63.gulfup.com/9mvqG.jpg
https://im63.gulfup.com/IBaeO.jpg
نحاول قريبا إن شاء الله نحطلكم موضوع فيه شرح لانو جاوني بزاف رسائل فيهم اسفسار عن البيتزا
تحياتي https://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gif
__________________________________________________ __________
>>>> الرد الثالث :
راح نعطيك عجينة خفيفة بزاف وان شاء الله تعجبك
أولا توجدي الخمارة تضعي ملعقة خميرة خبز+ 2 ملاعق فرينة+ شوية سكر وتعجنيها بالماء الدافئ وتغطيها بساشي وتخليها تخمر
تحضري العجينة : كأس ماء+ كأس حليب+ كأس زيت + 2 بيض+ ملح وتخلطي وتضيفي الفرينة بالشوية ونزيدلها الخمارة بعد ما خمرت ونخلط ونضيف باكي خميرة القاطو ونكمل لمها بالفرينة لعجينة ماتكون يابسة ماتكون جارية وخليها تخمر ونأكدلك بلي ماتندميش عليها جربيها ورجعيلي لخبر
__________________________________________________ __________
>>>> الرد الرابع :
مساء الخير
يا اختي كنت كيفك ومن بعد جربت وصفة بيتزا ام كوثر ربي يعطيها ما تتمنى كانت رائعة جدا احسن من اللي تتباع برة وهي
2 كيسان فرينة كاس اينوكس
مفرف ك سكر حرش
مغرف ك زيت زيتون
مغرف ك حليب لحظة
مغرف ك خميرة الخبز
مغرف ص ملح وتلميها بالماء الدافي ولكم انا زدتلها شويه خميرة الحلى نص باكي جات هايلة
وتدلكيها شويه برك باش تنحيلها اللصيق لاخاطر تولي تتلاصق وتخليها تخمر مليح يعني بزاف ومن بعد اقسميها على 3 وديريها في لي بلا تع الفور وزيدي خليها تخمر بزاااااااااااف
وطيبي لا صوص نتاع البيتزا ديري 3 حبات طماطم حب وشويه فلفل احمر ملح وثوم تمكسيهم مليح وتديرهم يطيبو باش تنشف من الماء
العجينة كي تخمر في لي بلا ديرلها لا صوص تومات وديريلها شرائح الفلف الكسبر والفرماج كثري على قد ما قدرتي وديريها تطيب 10 دقائق وبصحتك
__________________________________________________ __________
>>>> الرد الخامس :
المشاركة الأصلية كتبت بواسطة راجية عفو الله https://3andlib.xplainer.net/images/...s/viewpost.gif
و عليكم السلام
هذه الوصفة اللي معتمدتها و تجي فوووووور
هذة المقادير لكيلو فرينة
كاس زيت+ كاس+ حليب كاس ماء (الحليب و الماء يكونوا دافيين) + 2بيض و 2مغارف كبار خميرة خبز +2مغارف ك سكر + الملح .
نخلط جميع المقادير مع بعض ونلم بالفرينة حتى نتحصل على عجينة معتدلة لاطرية بزاف ولا يابسة ونخليها تختمر .
جربيها و ردي ليا الخبر . |
الف شكر لكي اختي راجيه و جزاك الله خيراااااااااا
