تيكربابين او العصبان من عند مونية ك ....ادخلو وقولولي رايكم المطبخ الجزائري
عنوان الموضوع : تيكربابين او العصبان من عند مونية ك ....ادخلو وقولولي رايكم المطبخ الجزائري
مقدم من طرف منتديات العندليب
جبتلكم اليوم طبق نتاع القبايل احنا في دارنا نقولولو تيكربابين والبلاد اللي رحت ليها يقولولو العصبان
مانطولش عليكم نخليكم مع التصاور
الخضر انا هاذو اللي درتهم واللي حبت تزيد حاجة اللي تحبها تزيد الخضر اختيارية
https://im28.gulfup.com/uPsb1.jpg
وهنا دشيشة ولا سميد خشين فلفل لكحل كمون راس الحانوت الثوم راس فلفل حار وزيت قيس نص كاس ملح نعناع يابس هريسة جومبو دجاج تبسس مليح ويحب ثاني فلفل لحمر حار بودرة وكسبر مقطع رقيق انا مادرتش ماعنديش
تخلطيهم مع بعض
وتزيد 2 حبات بيض
لازم تجي مليح متبلة خاطذرش سميد يشرب توابل باش تجي بنينة
وكاين اللي يحب يديرلها شحمة انا مانحبهاش واللي تحبها تقطعها صغيرة وتخلطها معاها قع
https://im28.gulfup.com/iQCG2.jpg
هنا الخضرة قطعنها هكذا وكل واحدة كيفاش تحب تقطعها
https://im18.gulfup.com/giog1.jpg
هنا كي قليت البصل والثوم واش درت توابل في العجينة درتو هنا في المرقة غير النعناع لالا ومرقت ودرت الخضرة وخليتهم يطيبو
https://im18.gulfup.com/vDH11.jpg
هذي نحيت من المرقة اللي خليتها تطيب نحيت المرقة واحدها برك
https://im18.gulfup.com/oFDN2.jpg
هنا تبداي تفرغي في المرقة وتخلطي حتان تتحصلي على عجينة كيما راكم تشوفو ماشي سايلة بزاف وماشي يابسة تترفد بالمغرف
https://im15.gulfup.com/p25t1.jpg
وهنا كي تتخلط مليح فرغيها في صاشيات تقيين والا عندك صاشي نتاع سباقيتي خير باش تجي شابة انا هذا واش عندي
عجوزتي تعمرها في المصران الكبير في العيد الكبير اكمباعد تحطيها في الكسكاس وغطيه وخليها تفور فوق المرقة اللي درتيها وكيفاش تعرفي بللي طابت دخلي موس في الصاشي اذا يبست معناها خلاص راهي طابت واذا مازالت جارية خليها تطيب
https://im15.gulfup.com/0FIm1.jpg
وهذي كي طابت شفتو كيفاش شدت روحها قسمتها وحطيت الخضرة وكاين اللي يحبب يفتتها ويسقيها انا نحب ناكلها هكذا
اللي ترد تدي تاكل مزالها سخونة امممممممم
https://im20.gulfup.com/lrX31.jpg
واش رايكم؟؟؟؟https://3andlib.xplainer.net/images/smilies/1.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gifhttps://3andlib.xplainer.net/images/smilies/mh31.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرااااااااااااااااااااااااااااااااااااااااااااااا اا
__________________________________________________ __________
>>>> الرد الثاني :
وين راكم يالبنات؟؟؟؟؟؟؟؟؟؟؟؟؟؟
__________________________________________________ __________
>>>> الرد الثالث :
ya3tik asaha ana mana3rafhach basah tchahi surtut ki rahi skhouna nta3 berd
__________________________________________________ __________
>>>> الرد الرابع :
الله يسلمك حنونة انا نحبها بزاف سورتو كي تكون متبلة بزاف وحارة اممممممم نموت عليها
__________________________________________________ __________
