*-*وين راكم يا العنابيات الشاطرات *-*أم كوثر وينك*-* طبخ جزائري
عنوان الموضوع : *-*وين راكم يا العنابيات الشاطرات *-*أم كوثر وينك*-* طبخ جزائري
مقدم من طرف منتديات العندليب
https://up.djelfa.info/uploads/13466273241.gif
رحت ليامات اللي فاتو لعنابة و كليت في وحد المطعم الشخشوخة المفتتة
يا ويلي يا ويلي كيما تقولوها نتوما هايلة و بنينة عجبتني بزاف
حوست عليها عند اللي يبيعو الكسرة و الحلويات التقليدية قالولي روحي للمارشي نتاع الحطاب الحطاب تلقايها
كنا زعمة مروحين ولينا رحنا للمارشي ولقيتها و شريتها
بصح للأسف متا نعرفش كيفاش طيب
أنا نعرف شخشوخة الظفر نتاع قسنطينة بصح هذي ماعندي عليها حتى فكرة
هل طريقة طبخها كيما نتاع الظفر و لا كيفاش
يا ريت تحطولنا الطريقة و إذا ممكن حتى طريقة صنع الشخشوخة في حد ذاتها
و لقيت ثاني وحد العجين يتباع مفتول كيما الفارميسال بصح خشين عليه شوي يبانلي واسمو القريتلية ولا ما نعرف نسيت
ثاني إذا ممكن طريقة تحضير العجين و الطبخة كاملة
راح نتعبكم بصح والله نحب نجرب أكلات شعبية نتاع ولايات أخرى
و رغم اني ما شفتش الشخشوخة المفتتة بصح قلت نجربها و تجربتي ما راحتش في الباطل عجبتني يميم
هاي ليكم الصورة نتاعها
https://im48.gulfup.com/ja2Pha.jpg
https://im48.gulfup.com/YnjOA1.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
احلى سلام لاغلى صديقة والله دخلت نجري كي لقيتك طالبة مساعدة وياريت صورتي الشخشوخة بالاك تختلف الاسامي من منطقة لاخرى ونقدر نساعدك يالغالية
نشالله يساعدوك العنابيات ونستفادو في جرتك وزورينا لهيه ركي عمبالك ربي يوفقك حنونتي
__________________________________________________ __________
>>>> الرد الثاني :
اهلا بالحبيبة والله فرحت كيشفت اسمك عنابة رجعتلك لينا على سلامتك لكان غير صورتيها نشوفوها بلاك نسموها اسم اخر
__________________________________________________ __________
>>>> الرد الثالث :
أهلين بالحبايب الحلوين توحشتكم غالياتي و حبيباتي و رفيقاتي أم محمد و أم ياسو
يا رب تكونو بألف خير و عافية
هاي ليكم الصور عزيزاتي والله جبدتها من الكونجيلو لاخاطر ماشي يابسة تتباع مندية
https://im48.gulfup.com/YnjOA1.jpg
https://im48.gulfup.com/ja2Pha.jpg
__________________________________________________ __________
>>>> الرد الرابع :
الله يخليك يالغالية وحنا كاين منطقة في باتنة يديروه اسمو الباطوط وطريقتو ساهلة حنونتي
مرقي مرقة حمرا خاثرة على تاع الشخشوخة وكثريلها الدواوات والحروووور والحمورية والطماطم والبصل والثوم وكاين لي يديرها باللحم وثاني بلا لحم وتحي بالخضرة برك تهبل تهبل وطريقة العجين ثاني نعرف نخدمو والشخشوخة ماتفوريها ماديريلها والووو غير سقيها كيما الشخشووخة وتجي حارة ممممممم فكرتيني في الباطوووط كاش نهار نديرو موضوع للاستفادة
نشالله نكون ساعدتك يالغالية سلامي الحاااار كيما حرارة الباطووووووط ههههههههه
__________________________________________________ __________
>>>> الرد الخامس :
حبيبتي راهي تشبه كيما قالت ام محمد وتقدري ديريها كيما هدا ونستناو ام كوثر بلاك عندهم طريقة اخرى اما القريتيلية نضن كيما التليتلي غير يخدموها باليد
تفضلي هدا وانت شوفي
https://www.djelfa.info/vb/showthread.php?t=1449294
