كباب من مطبخي وبطريقتي الخاصة
عنوان الموضوع : كباب من مطبخي وبطريقتي الخاصة
مقدم من طرف منتديات العندليب
السلام عليكم نقدملكم طريقتي الخاصة في عمل الكباب وهو طبق تقليدي معروف عندنا خاصة للمبتدئات لانو ساهل وبنين
المكونات
لحم هبرة مقطع مربعات
جزر مقطع
2حبات بصل كبيرة مرحية مليح مع 4 سنات ثوم الكمية شوية كبيرة لانها هي اللي تثقل الصلصة كاين اللي يزيد في الاخير ملعقة فرينة لكن انا نفضل البصل
ملح وفلفل اسود وكسبر مرحي وكروية
ورقة رند اختيارية لانو كاين اللي مايحبش مداقها
2 ملاعق طماطم مصبرة وممكن اقل حسب نوعية الطماطم
علبة من الفطر
https://a7.sphotos.ak.fbcdn.net/hpho...85657716_n.jpg
للتزيين
بصل مقطع ودبشة مقطعة
https://a2.sphotos.ak.fbcdn.net/hpho...20168142_n.jpg
التحضير
تحطي قطع اللحم في 4 ملاعق كبار زيت لان اللحم مافيهش الشحم اما ادا كان اللحم فيه الدهون نقصي كمية الزيت حطي الكل على نار قوية حتى يتقلي اللحم وياخد اللون البني الفاتح
https://sphotos-f.ak.fbcdn.net/hphot...93977575_n.jpg
زيدي فوقو البصلة والتوابل والطماطم وخلي الكل يتقلى 10 د زيدي الجزر ومرقي بالماء حتى يتغطى الكل واغلقي الكوكوط وكي يغلي نقصي النار وخليه من ساعة ونصف لساعتين
في هدا الوقت تكوني شوحتي الفطر في ملعقة زبدة 5 د وتضيفيه وتخليه ربع ساعة
https://sphotos-d.ak.fbcdn.net/hphot...02419538_n.jpg
وفي الاخير ارمي قرن فلفل حار حتى ياخد الغلوة وطفي لازم تكون الصلصة خاثرة وثقيلة
عند التقديم زينيه بالبصل والدبشه او الحشيش المقطع
https://sphotos-h.ak.fbcdn.net/hphot...74694922_n.jpg
https://sphotos-g.ak.fbcdn.net/hphot...92301032_n.jpg
قدميه مع الخبز ولا الارز حسب الرغبة انا شخصيا نقدمو مع الخبز
ها قولولي واش رايكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يبارك
يعطيك الصحة
__________________________________________________ __________
>>>> الرد الثاني :
يعطيك الصحة
__________________________________________________ __________
>>>> الرد الثالث :
يعطيك الصحة اختي
عجبني بزاف لخاطش انا نحب الفطر بالبزف
__________________________________________________ __________
>>>> الرد الرابع :
عجبنى بزاف ورانى متابعة مواضيعك راكى فور
__________________________________________________ __________
>>>> الرد الخامس :
رووووووووووووووووووووووووووووعة يعطيك الصحة و ربي يباركلك في حوايجك
