عنوان الموضوع : محتاجة رايكم طبخ جزائري
مقدم من طرف منتديات العندليب
السلام عليكم ورحمة الله وبركاته
اخواتي بعد الانتخابات ان شاء الله مباشرة عندي تثبيت في الشغل وبغيت نقوللكم المينيو وقولولي رايكم فيه وشورو عليا
باغية ندير شريبة +زيتون بالدجاج فارسي والشومبينيو وشوية فريت من فوق +الضلوع مشويين +برقوق بالمشماش والاناناس والسلاطة وصلاد دوفروي والمشروبات مع العصير والماء وقالك مديرنا ما تحطيليش الخبز البولونجي نبغي المطلوع https://3andlib.xplainer.net/images/smilies/1.gif
نتمنى تقوللي رايكم في الفكرة تاعي وتخبروني نتوما واش ديرو تتبيلة تاع المشوي ؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مممممممم ماكانش للي جاوبتني ؟ ما نستاهلش ؟؟؟
__________________________________________________ __________
>>>> الرد الثاني :
اختي ان شاء الله. وش ريح توجدي كلش مليح. وبالنسبه للتتبيل تع المشوي. ندير زعيتره وملح وفلفل اسود وثوم وإذا كان عندك صوص صويا تجي امممممممم. وبالتوفيق اختي
__________________________________________________ __________
>>>> الرد الثالث :
المينيو تيعك راه مليح لو تضيفى بواك سيجار مع الشربة او مقبلة بالبات فايتى حسب المقدور والثتبيلة انا نشريها جاهزة تثبيلة الدجاج لكنور هايلة بنة فوق الوصف لانه فىها كل الاعشاب العطرية للمشاوى والدجاج و مبرو ك الترسيم
__________________________________________________ __________
>>>> الرد الرابع :
الmenيهبل كيما قاتلك الاخت لو كان تزيدي بوراك والتتبيلة اعتمدي تتبيلة المعلمة ام كوثر.uتتبيلة الشواء
التتبيلة توممرابي وملح وفلفل اسود واحمر حار وبابريكا وتوابل خاصة بالشواء تتباع خلطة واجدةومغرف زيت وعصير قارص وشوية هريسة وشووووية طماطم يمكن الاستغناء عنها
وتبلياللحم مليح حتى ساعة واشوي ومبروك الترسيم ماتنسايش تصوريلنا الكواليس
__________________________________________________ __________
>>>> الرد الخامس :
مليح رووعة
كي تطيبيهم صوريهم وحطيلنا نشفوهم
