دولمة كرمب في مول savarin المطبخ الجزائري
عنوان الموضوع : دولمة كرمب في مول savarin المطبخ الجزائري
مقدم من طرف منتديات العندليب
السلام عليكم ورحمة الله وبركاته
نحضرو صوص بلونش ونطيبو فيها كريات اللحم عادي
اما الكرمب نحطو الاوراق في قدر به ماء مملح شوية برك ومن بعد ننقلهم لماء بارد باه يحافظو على لونهم
ندهن لي مول كيما هادو وتقدرو تديرو في تاع الكاب كيك
https://www.cuisineaddict.com/ori-sa...-x-12-1472.jpg;
ندهنوهم بالزيت او الزبدة ونفرشو نصف ورقة كرمب بعدما ننزعو الجزء الغليض نقسمو الورقة على 2 نحطوها في المول برفق ونشكلو باللحم مرحى دائرة او اسوارة نحطوها ونعاودو نغطو الحشو باطراف الورقة يعنى كيما البسطيلة وادهنيها من الفوق .حطيهم في بلاطو وديريهم في الفرن اشعلي من التحت فقط .وغطيهم بالمنيوم .المعروف ان الكرمب يطلق الماء تاعو.وتان ماياخدوش وقت بزاف كي تشوفي الكرمب طاب واللحم تان طبعا اجبدى واحدة وشوفيها حلي الورقة من فوق وقلبي الحشو عادي .من بعد خدي من المرق اللي كانو يطيبو فيه الكريات وفرغي شوية فوقهم واشعلي من الفوق
هنا الامر اختياري تقدري تهدهنيهم بالبيض وتديري فوقهم فروماج غابي .او خليهم هكداك
https://www.djelfa.info/vb/attachmen...2&d=1398716399
ديري حبة بطاطا مغلية ومرحية مع فرماج وملح وشوية فلفل في بوش ولا لمبوط وعمرى الفراغات وفوقها حطى ورقة معدنوس انا ماصورتش كلشي لانى كنت مزروبة وتان اللمسات الاخيرة ماصورتهاش لانهم لحقو عليا خفت يتشوكاااو
https://www.djelfa.info/vb/attachmen...0&d=1398716140
https://www.djelfa.info/vb/attachmen...1&d=1398716284
وهادي معقودة الشفلور في مول التاج
[COLOR="rgb(255, 0, 255)"]ناخد شفلور نغليه في ماء مملح ومن بعد خرجى فيه حرك بالفرشيطة هههههههه وزيديلو معدنوس مقطع وزيتون اخضر مقطع دوائر وفرماج و2 ملاعق فرينة ومغف صغيرة خمارة وديريلو البيض حتى يصبح قوامه بين السائل والعاقد وادهنى لي مول وفرغى فيهم واشعلي الفرن تاعك من تحت كي يحمارو الاطراف اشعلي من فوق وكي تخرجيه ماتقلبيهش تم تم شوية ومن بعد اقبيه والتزيين اختياري وحتى الاضافات كل واحدة ولمستها [/COLOR]
نتمنى يعجبوكم هي الطريقة مالوفة لكن التشكيل والتغيير هو الصح لان العين تاكل قبل الفم .
طلبي منكم دعوة في ظهر الغيب لامى بالشفاء فربما منكم من اقسم على الله لابره
https://www.djelfa.info/vb/attachmen...7&d=1398625742
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
للاسف الصورمكانش تمنيت نشوفهم حبيبتي
__________________________________________________ __________
>>>> الرد الثاني :
شكرا اختي
و الله كنت حابه نشوف الصور باه ندي فكره افضل
__________________________________________________ __________
>>>> الرد الثالث :
مممممممممم يشهو مممممممممم يعطيك الصحة اختي امل 44444444444
__________________________________________________ __________
>>>> الرد الرابع :
ماتدوخيش وانا علاه رانى قاعدة دوك نعاود نطلعهم
دوك نعاود باتيلا وان شاء الله تعجبك الفكرة وتديريها لباتيلو .
__________________________________________________ __________
>>>> الرد الخامس :
الله يسلمك تعيشي الحمد لله خرجولك الصور
