*-*الرقاق(لفتات) والبرنوس(لفطير) والشخشوخةالبسكرية ومعارك بالسمن*-* من مطبخي وبالصور من مطبخي

عنوان الموضوع : *-*الرقاق(لفتات) والبرنوس(لفطير) والشخشوخةالبسكرية ومعارك بالسمن*-* من مطبخي وبالصور من مطبخي
مقدم من طرف منتديات العندليب

https://up.djelfa.info/uploads/13466273241.gif

كنت قد وعدتكم باش نحطلكم الطريقة المفصلة لطياب الرقاق أو كيما يسميه الكثيرين النعمة ،الكسرة نتاع الشخشوخة ، الفطير ..............إلخ وذلك في موضوع الحسوة البسكرية للي حابة تطلع عليه هذا هو الرابط:

https://www.djelfa.info/vb/showthread.php?t=1287064

في موضوع اليوم راح نحطلكم طريقتين لطهي الرقاق و وصفة الشخشوخة البسكرية نتاع كل يوم ماشي نتاع لعراس في وقت آخر إن شاء الله نحطهالكم بالتفصيل الممل
و كذلك معارك بالسمن (ماشي حرب هذي راهم مسمنات حنا نسميوهم كذلك معارك )

لنبدأعلى بركته الله فقط طولوا بالكم معايا

https://i1212.photobucket.com/albums...titled-1-1.gif

الرقاق و البرنوس (لفطير)

أولا العجين:

- كمية نتاع سميد حسب عدد أفراد العائلة (هنا وضعت 5 كؤوس) + ثلث كمية السميد فرينة (دورها تخفف الكسرة و تساعدك في تحضيرها خاصة إذا كان السميد مافيهش العلك) + ملح + ماء للم العجينة وعجنها

[IMG]https://www.up.djelfa.info/uploads/136895320487911.jpg[/IMG]


-

برولي العجينة بالماء جيدا و دخليها بعضاها جيدا بلا ما تعجنيها(كل ما كانت طرية راح تعاونك في عجنها)
- غطيها ببلاستيك و ضعيها جانبا ترتاح حوالي نصف ساعة(راح تتشرب الماء و الحبيبات تطرى و بذلك تساعدك أفضل في عجنها إذا كان العجن باليد خاصة)

[IMG]https://www.up.djelfa.info/uploads/136895321259971.jpg[/IMG]
-

بعد ما ارتاحت أعجنيها جيدا مع التبليل بالماء مرة على مرة مدة 10د حتان تطرى و تولي ملساء

[IMG]https://www.up.djelfa.info/uploads/136895324958271.jpg[/IMG]

- شكليها كريات و ضعيها في صينية مدهونة بالزيت و زيدي مرمديها في هذاك الزيت بعد ما تخلصي الكمية نتاع العجين و غطيها ببلاستيك باش ما تعملكش قشرة ناشفة من فوق
- خليها ترتاح مدة نصف ساعة أخرى و إذا قدرت تخليها أكثر خليها لأنها كل ما ترتاح كل ما تعاونك في الفتح نتاعها

[IMG]https://www.up.djelfa.info/uploads/136895326406631.jpg[/IMG]

[IMG]https://www.up.djelfa.info/uploads/136895327303471.jpg[/IMG]

- حضري الوسائل اللازمة لطهيها اللي هي الزيت و البلاطو اللي راح تفتحيها فيه و الموس اللي تقلبي بيه و المنديل اللي راح تحطيها فيه بعد ما تطيب

[IMG]https://www.up.djelfa.info/uploads/136895328260531.jpg[/IMG]

الطريقة الأولى نتاع زوج كريات فوق بعض

- سخني الطاوة اللي راح طيبيها فوقها ثم ونقصي للنار تكون بين المتوسطة و الخفيفة باش ما تتحرقلكش

- ادهني البلاطو اللي راح تبسطي فيه العجينة بالزيت

- خذي كريتين (حنا نسميوهم لوزات) و ابسطيهم شوية و حطي فوق وحدة منهم شوية الزيت و غطيها بالثانية و حاولي تضغطي غير شوية على الجوانب


[IMG]https://www.up.djelfa.info/uploads/136895329028131.jpg[/IMG]

[IMG]https://www.up.djelfa.info/uploads/136895329869641.jpg[/IMG]

-

ثم قرصيها و ركزي على الجوانب رققيهم جيدا باش ما يتعبوكش في الخطوة اللي جاية

[IMG]https://www.up.djelfa.info/uploads/136895330518061.jpg[/IMG]

- حاولي تحملي القرصة بيدك و تضعيها على ذراعك بهذا الشكل

[IMG]https://www.up.djelfa.info/uploads/136895331344621.jpg[/IMG]

- ثم رققي الجوانب دائما أولا بأطراف أصابعك و دلك بشدها إلى أسفل ثم أقلبي القرصة مرة أخرى على ذراعك باش ترققي الجوانب المتبقية ثم براحت يدك رققي الوسط و باش تعرفي الأماكن اللي مازالو خشان وجهيها للضوء راح نبانلك التكتلات إذا كانت كبيرة حاولي ترققيها و إذا كانت صغيرة ما يهمش راح تترقق كي توضعيها على الطاوة

[IMG]https://www.up.djelfa.info/uploads/136895332130551.jpg[/IMG]

بأطراف أصابعك رشي شوية زيت على الطاوة
-

ثم ضعي ظهر يدك على العجينة المتدلية و واحمليها ثم ضعي ظهر يدك الأخرى على الجهة المقابلة و ضعي العجينة بدءا من الجوانب مع الشد أثناء وضعها ثم اسحبي يديك
(للأسف ما قدرتش نصورلكم المرحلة هذي لأنو يديا في زوج مشغولين) ثم رشي العجينة بشوية زيت

- مع تحطيها راح تلاحظي بلي لون العجينة بدأ يتغير هنا بعد ما تغير كليا

ملحوظة: إذا جاتك صعيبة تحليها على ذراعك تقدري تحليها على البلاطو نتاعك فقط لازم يكون كبير باش تترقلك مليح

[IMG]https://www.up.djelfa.info/uploads/136895333359211.jpg[/IMG]
-

عندما يتغير كليا إقلبيها و رشي مرة أخرى بالزيت راح تلاحظي بلي بدأت تنتفخ من الوسط

[IMG]https://www.up.djelfa.info/uploads/136895334266061.jpg[/IMG]

- كي تحسيها انتفخت كفاية خذي النصف المقابل لك و اقلبيه على النصف الآخر هكذا ثم طيبيها على الجانبين(اثقبيها باش تنفش ، هذا الإنتفاخ هو اللي راح يخليها مورقة من بعد كي تفتتيها)

[IMG]https://www.up.djelfa.info/uploads/136895348610281.jpg[/IMG]

-

ثم اطويها هكذا و اطهيها على الجانبين كذلك بنفس الطريقة

[IMG]https://www.up.djelfa.info/uploads/136895349796971.jpg[/IMG]

- كي طيب ضعيها في المنديل و غطيها جيدا باش ما تيبسش كي تطيبي الكمية كامل فتتيها مع توريقها لأنها تتورق

الطريقة الثانية اللي هي البرنوس أو نقولولو كذلك لفطير ( الطريقة هذي تطيب وحدة فوق وحدة )

- النار لازم تكون خفيييييييييييفة ماشي كيما الطريقة الاولى

- خذي كرية واحدة و افتحيها بنفس الطريقة الأولى لازم تكون رقيقة لأنها واحدة فقط و ماراحش تتورقلك بعد ما تطيب ثم رشي الطاوة دائما بالزيت

- ثم ضعيها على الطاوة و رشيها كذلك بالزيت و افتحي وحدة أخرى في نفس الوقت اللي تطيب فيه الاولى

- ثم أقلبي العجينة مرة واحدة فقط و رشيها كذلك بالزيت و ضعي فوقها العجينة الثانية اللي فتحتيها دائما بنفس الطريقة رشي ثم أقلبي باش تطيب و افتحي واحدة أخرى ورشي اللي فوق الطاوة و زيدي حطيها على الأخريات و أقلبي ثم الرابعة حطيها و أقلبي وهكذا حتان توصلي ل 10 أو 15 كرية حسب مقدرتك على قلبها كي توصل هذاك العدد

[IMG]https://www.up.djelfa.info/uploads/136895352242991.jpg[/IMG]

[IMG]https://www.up.djelfa.info/uploads/136895351296981.jpg[/IMG]

ثم أقلبي نصفها على نصفها الآخر و طيبيها من الجهتين ثم أطويها مرة أخرى على 2 و حاولي ترفعيها بهاذ الشكل باش الجوانب تزيد تطيب مليح

[IMG]https://www.up.djelfa.info/uploads/136895353262571.jpg[/IMG]

من هذا الشكل جات تسمية البرنوس

[IMG]https://www.up.djelfa.info/uploads/136895354576091.jpg[/IMG]

[IMG]https://www.up.djelfa.info/uploads/136895356866171.jpg[/IMG]

و هنا بعد ما فتتناها

[IMG]https://www.up.djelfa.info/uploads/136895358419461.jpg[/IMG]

الشخشوخة البسكرية

الرقاق طيبناه نجيو للمرق نتاعها الكمية تكفي 5 أشخاص

-لحم أو دجاج حسب الموجود أنا عملتها بالإثنين
- بصلة كبيرة مفرومة خشن + 4 فصوص ثوم كبار مرحيين رقيق + 2 حبات طماطم متوسطين مرحيين ناعم + 3 م ك طماطم مصبرة + 2 م ص راس الحانوت+ كمشة كبيرة حمص + 2 م ص فلفل أحمر مرحي حلو + 1 م ص فلفل أحمر مرحي حار (إختياري) + 3 م ك زيت نباتي نضع الكل يتقلى على النار جيدا مع فنجان ماء

نحضروا الخضر هنا استعملت البطاطا و الكوسة أو كيما نقولولها حنا الجريوات

كي يتقلى اللحم مليح ضفي الخضر و غطيها بالماء و دعيها حتان تطيب على نار متوسطة و تخثار المرق

[IMG]https://www.up.djelfa.info/uploads/136895532707161.jpg[/IMG]

و سقي الرقاق نتاعك
هذي هي الشخشوخة البسكرية اليومية
نتاع العرس مختلفة قليلا و مزينة كثيرا نحطهالكم مرة أخرى في موضوع مستقل

[IMG]https://www.up.djelfa.info/uploads/136895533496481.jpg[/IMG]


معارك بالسمن (مسمن)

بنفس الطريقة السابقة نحضر العجين

نأخذ كريتين و نبسطهما قليلا و نضع في إحداهما الزيت و نغطيها بالأخرى و نبسط القرصة قليلا على شكل دائري

[IMG]https://www.up.djelfa.info/uploads/136895534406151.jpg[/IMG]

نضع كمية من السمن في الوسط تجنبي الجوانب باش يلصقولك

[IMG]https://www.up.djelfa.info/uploads/136895536739671.jpg[/IMG]

ثم نلف العجينة على شكل سيقار و نلصق الجوانب والحواف هكذا

[IMG]https://www.up.djelfa.info/uploads/136895537609231.jpg[/IMG]

نضغط قليلا على جانبي السيقار باش ننقص من طوله و نقلبه بحيث أحد جانبيه يكون إلى الأسفل و الجانب الآخر يكون إلى الأعلى ونضغط عليها قليلا هكذا

https://www.up.djelfa.info/uploads/13689553851951.jpg

ثم نقرصها قليلا و نبسطها على شكل دائري هكذا

[IMG]https://www.up.djelfa.info/uploads/136895539627881.jpg[/IMG]

و نضعها على الطاوة تطيب من الجانبين

راح تكون بهذا الشكل مورقة و مقرمشة و راااااااااائعة المذاق

[IMG]https://www.up.djelfa.info/uploads/136895542575191.jpg[/IMG]


[IMG]https://www.up.djelfa.info/uploads/136895547123031.jpg[/IMG]


هنا قدمتها مع اللبن

[IMG]https://www.up.djelfa.info/uploads/136895548254831.jpg[/IMG]


[IMG]https://www.up.djelfa.info/uploads/136895544047671.jpg[/IMG]

هنا عملت معها محاجب سخونين

[IMG]https://www.up.djelfa.info/uploads/136895545909731.jpg[/IMG]

و الحمد لله الذي وفقني لأن أشارككم هذا الموضوع بالتفصيل الدقيق

لا أطلب منكم سوى دعوة خير بظهر الغيب و شكرا لتواجدكم في صفحتي المتواضعة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لي الشرف انا اول وحدة نرد على موضوعك يافنانة تبارك الرحمن يالفحلة كون نبقى قرن منقدرش نديرها فوق ذراعي كيما انتي واذا درتها لازم ندهن جسمي كامل بالزيت باه وين طيح متلصقش تبا لي خخخخخخخخ

__________________________________________________ __________

>>>> الرد الثاني :

انا الاولي ندي من كل شيء تسلم الايادي حبيب الله يبارك وزيد

__________________________________________________ __________

>>>> الرد الثالث :

م بنينة يعطيك الصحة اختي اكيد راح نجربها لانها روعة و اخيرا تعلمتها يا ام اياد البراة فيك ان شاء الله ربي يحفظلك عائلتك من كل سوء

__________________________________________________ __________

>>>> الرد الرابع :

المشاركة الأصلية كتبت بواسطة sarsoura28 https://3andlib.xplainer.net/images/...s/viewpost.gif لي الشرف انا اول وحدة نرد على موضوعك يافنانة تبارك الرحمن يالفحلة كون نبقى قرن منقدرش نديرها فوق ذراعي كيما انتي واذا درتها لازم ندهن جسمي كامل بالزيت باه وين طيح متلصقش تبا لي خخخخخخخخ

سرسورة الشرف لي لأنك متواجدة في موضوعي
و راني درت تعديل على جالك روحي أقراي الملحوظة حبيبتي

عزيزتي العجينة راهي مليانة زيت مستحيل تلصق في ذراعك

شكرا لك على المرور العطر و الرد الطيب

__________________________________________________ __________

>>>> الرد الخامس :

امممممممممممممممممممممممممم شهيتيني روعة يا حبوبة https://3andlib.xplainer.net/images/smilies/1.gifhttps://3andlib.xplainer.net/images/smilies/1.gif