فول مالح وبنين اتفضلو عندي المطبخ الجزائري
عنوان الموضوع : فول مالح وبنين اتفضلو عندي المطبخ الجزائري
مقدم من طرف منتديات العندليب
السلام عليكم
حبيت نحط طريقتي في طياب الفول واللي معتمدتها من مدة وان شاء الله تجربوه وتنجحو فيه
نقي الفول من الحجر والشوائب واغسليه وديريه في بيدون معمر ماء مدة 3 الى 4 ايام لازم لازم وكيتشوفيه شرب الماء زيديلو عادي وهدوك الكشاكش اللي يديرهم نحيهم شوفو هنا رنختو من 4 ايام الحبة كبرت كبرت كبرت يافرحتي ههههههههههههه
https://up.hawahome.com/uploads/13826348811.jpg
بعدها شليه مليح مليح نقلك علاش لانو الماء اللي راح يطيب فيه يبقى هو هو ماتبدلوهش اللي تبدلو تعرف واش يصرالها 000000000000000000 يصماط عليها لازم تشلوه مليح ديروه في كوكوط معمر ماء وملح وورند وشوي زيت واقفلي عليها نحب نطيب كلش في الكوكوط الماكلى تجي ابن واسرع انا دايما مزروبة الله غالب
نسيت نقلكم قبل ماتلوحو الملح والزيت والرند كيبدا يغلي راح يطلق كشكاش نحوهم عادي ودري الباقي
https://up.hawahome.com/uploads/13826348812.jpg
بعدها روحو لمنتديات العندليب تقرعجو على بنات واش طيبتي كل دقيقة يهدرو ويحكو على طيابهم ههههههههههههه بصح الله يعطيهم الصحة فور وقاديرين بعد مايطيب مايطولش في الكوكوط ياربي ساعة حلو عليه ربي يفتحها علينا الكل قولو امين تلقاوه طاب حطى واووووووووووووو
في الميكسور ديرو حبة بصل حبة طوماطيش راس ثوم ارحيهم مليح مليح ولادي مايحبوش يتلاقاو بالبصل غير في المحاجب هههههه لوحوهم على الفول اللي حليتو عليه وزيدو التوابل انتاعكم راس الحانوت الفلفل الاسود الكمون يحب الكمون الفافل العكري وراس فلفل حار وعاودي اقفلي عليه مدة 10 د وطفي عليه
ومن جهة اخرى وجدي راس بصل مقطع صغير وكيكون البصل الطويل افضل ديريه بالابيض والاخضر وقطعي حبة طوماطيش تكون حمرا مليح وشوي دبشة ولا حشيش على قول الد زيرية وكيتجي تسربي في الطبسي ديري من الفوق شوي من البصل وشوي من الطوماطيش وذري الكمون وشوي هريسة والدبشة ومن فوقهم زيت الزيتون وقطعة تاع القارص باش اللي يجي ياكل يعصر اممممممممممممممم
https://up.hawahome.com/uploads/13826348813.jpg
https://up.hawahome.com/uploads/13826348814.jpg
ان شاء الله وفيت وشرحت مليح واللي مافهمتش ولا حبت تستفسر راني كاينة
ام ريمة درتو في خاطرك واللي تدخل تدعي لبنتها ربي يسلكها على خير يارب
https://up.hawahome.com/uploads/13826348815.jpg
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ممممممممممممممممم الله الله هذاك الفوووووووووووول يعطيك الصحة يشهي وشكرا على الطريقة افدتيني
__________________________________________________ __________
>>>> الرد الثاني :
السّلام عليكم و رحمة الله و بركاته
جزاك الله خيرا
وصفة جميلة
__________________________________________________ __________
>>>> الرد الثالث :
ممممم يعـــــطيـــــك الصـــحة
__________________________________________________ __________
>>>> الرد الرابع :
امممممممممممممم يشهي ام ياسين يسلم هاذوك اليدين و يعطيك الصحة
عندي الفول نديرو ان شاء الله
__________________________________________________ __________
>>>> الرد الخامس :
شكرا جزيلا اختى الصغرى وربى يجزيك ويعطيك ما تتمناى ممكن نديرو بالفول الاخضر يعنى ماهوش يابس راه فالمجمد ؟؟ بنفس الطريقة ما عدا التشماخ لانه طرى والباقى كيف كيف؟؟؟ وشكرا على الدعاء والمجهود اللهم اجعله فى ميزان حسناتك
